ඩිස්නි සමාගමේ අතිශය ජනප්රිය මෝනා (Moana) සිනමා නිර්මාණය තවත් සතියකින් ප්රේක්ෂකයන් අතරට එන්න සූදානම් වෙනවා. සාමාන්යයෙන් ඩිස්නි සමාගම තමන්ගේ පැරණි සජීවීකරණ චිත්රපටවල ලයිව්-ඇක්ෂන් (live-action) ප්රතිනිර්මාණ කරද්දී දශක දෙකකට වඩා වැඩි කාලයක් බලා සිටිනවා. නමුත් මෝනා චිත්රපටයේ අතිවිශාල ජනප්රියත්වය සහ ඩිස්නි ප්ලස් ඔස්සේ ලැබුණු වාර්තාගත ප්රේක්ෂක ප්රතිචාර නිසා, 2016 දී නිකුත් වූ මුල් චිත්රපටයෙන් වසර දහයකට පසුවම එහි ලයිව්-ඇක්ෂන් අනුවාදය ගෙන ඒමට ඔවුන් තීරණය කර තිබෙනවා. මෙය ඩිස්නි ඉතිහාසයේ ඔවුන්ගේ සාමාන්ය ක්රමවේදයට වඩා වෙනස් වූ වේගවත් පියවරක්.
මෝනා 2 චිත්රපටය ඩොලර් බිලියනයකට වඩා වැඩි ආදායමක් උපයා ගනිමින් ලොව පුරා දැවැන්ත සාර්ථකත්වයක් ලැබුවා. මේ නිසා ඉදිරියේදී එන ලයිව්-ඇක්ෂන් මෝනා චිත්රපටය කෙරෙහි ලොකු බලාපොරොත්තුවක් තිබෙනවා. මීට පෙර නිකුත් වූ ස්නෝ වයිට් වැනි චිත්රපටවලට එතරම් හොඳ ප්රතිචාර නොලැබුණු පසුබිමක, මෙම නවතම නිර්මාණය ඩිස්නි සමාගමේ ඉදිරි ගමනට තීරණාත්මක වනු ඇති බවයි විචාරකයින් පවසන්නේ. මුලින් 2025 දී නිකුත් කිරීමට සැලසුම් කර තිබුණත්, ප්රේක්ෂකයන්ට වඩාත් හොඳ අත්දැකීමක් ලබා දීම සඳහා එය 2026 දක්වා කල් දැමීමටත් ඩිස්නි පියවර ගත්තා. ඉතින්, මේ දැවැන්ත සිනමා අත්දැකීම විඳගන්න ලෝකයම දැන් බලාගෙන ඉන්නවා.

Discussion & Feedback