ලොවම බලාගෙන හිටපු ජනප්රිය ගායිකා ටේලර් ස්විෆ්ට් සහ සුපිරි ක්රීඩක ට්රැවිස් කෙල්ස්ගේ විවාහ මංගල්යය පසුගියදා නිව්යෝර්ක් නුවර මැඩිසන් ස්ක්වෙයාර් ගාඩන්හිදී ඉතාමත් උත්කර්ෂවත් අන්දමින් පැවැත්වුණා. මාස ගණනාවක් තිස්සේ පැවති කටකතා සත්ය කරමින් ඔවුන් දෙදෙනා සිය විවාහ ගිවිස ගැනීමෙන් පසු මෙලෙස යුග දිවියට පිවිසීම රසිකයන්ට ලොකු සතුටක් වුණා. විවාහ උත්සවය පැවැත්වෙන අතරතුර මැඩිසන් ස්ක්වෙයාර් ගාඩන් පිටත තිබූ දැවැන්ත තිරවල ‘JUST&T MARRIED’ යනුවෙන් සටහන් කර තිබීම විශේෂත්වයක් වුණා.
මෙම විවාහ උත්සවයේ තවත් විශේෂ සිදුවීමක් වුණේ ප්රවීණ නළු ඇඩම් සැන්ඩ්ලර් විසින් විවාහය මෙහෙයවීමයි. ටේලර්ගේ ප්රියතම චිත්රපට චරිතයක් වන සැන්ඩ්ලර්, විවාහ උත්සවයේදී ගීතයක් ගායනා කරමින් උත්සවය තවත් වර්ණවත් කළා. මනාලියගේ ඇඳුම ගැන කතා කරනවා නම්, එය සුප්රසිද්ධ ක්රිස්ටියන් ඩියෝර් (Dior) ආයතනය විසින් නිර්මාණය කරන ලද්දක්. ජොනතන් ඇන්ඩර්සන්ගේ නිර්මාණයක් වන මෙම ඇඳුම ලොව ප්රසිද්ධ තරු පෞරුෂයක් වෙනුවෙන් ඩියෝර් නිර්මාණය කළ පළමු විවාහ ඇඳුම වීමත් විශේෂයි.
සාම්ප්රදායික මනාලියන්ගේ සහායිකාවන් වෙනුවට ටේලර් මෙහිදී ඇගේ සහෝදරයා වන ඔස්ටින්ව ‘මෑන් ඔෆ් ඔනර්’ ලෙස තෝරාගෙන තිබුණා. ටේලර්ගේ ආභරණ කාටියර් (Cartier) ආයතනයෙන් සහ පාවහන් ක්රිස්ටියන් ලුබූටින් (Christian Louboutin) ආයතනයෙන් විශේෂයෙන්ම නිර්මාණය කර තිබීමෙන් මෙම උත්සවයේ ඇති සුඛෝපභෝගී බව මනාව පැහැදිලි වුණා. කෙසේ වෙතත්, ලොව පුරා සිටින ටේලර්ගේ රසිකයන් මේ වන විටත් සමාජ මාධ්ය හරහා ඔවුන් දෙදෙනාට සුබ පැතුම් එක් කරමින් සිටිනවා.

Discussion & Feedback