කෙන්යාවේ දුෂ්කර ගම්මානයක් වන චෙපොරෝර් ප්රදේශයේ එළු පාලකයෙක් වුණු මනාසේ ලොමාචාර්ට අහම්බෙන් හමුවුණු රන් කැබැල්ලක් නිසා මේ දිනවල මුළු ප්රදේශයම රන් සොයන්නන්ගෙන් පිරී ගිහින්. තමන්ට හමුවුණු රන් ග්රෑම් තුනක් කෙන්යානු ශිලිං 36,000කට විකුණා ගැනීමට ඔහුට හැකිවීමත් සමඟම, මේ ආරංචිය පැතිරී ගොස් දහස් ගණනක් මිනිසුන් රන් සොයා එම ප්රදේශයට ඇදී එන්න පටන් ගත්තා. කලින් පාළු බිමක්ව තිබුණු මේ ප්රදේශය දැන් රන් සොයන මිනිසුන් හාරන වළවල් සහ තාවකාලික කඳවුරු වලින් පිරී ගිහින්.
මේ රන් සොයන පිරිස අතර තමන්ගේ දරුවන්ගේ පාසල් ගාස්තු ගෙවා ගැනීමට නොහැකිව අසරණ වූ ගොවීන් සහ තරුණ තරුණියන් විශාල පිරිසක් ඉන්නවා. ඔවුන් උදැල්ල සහ සවල අතැතිව දවස පුරාම පොළොව හාරමින් රන් අංශු සොයනවා. සමහර කාන්තාවන් ළඟම තියෙන ගංගාවල මඩ සෝදමින් රන් සොයන දර්ශනයක් දකින්න පුළුවන්. දේශීය බලධාරීන් පවසන විදිහට මේ රන් උණ නිසා එකම අවස්ථාවේ දස දහසක් පමණ පිරිසක් මේ ප්රදේශයට පැමිණ තිබුණත්, දැන් එම සංඛ්යාව දෙදහස් පන්සියයක් දක්වා අඩු වෙලා තියෙනවා.
කෙසේ වෙතත්, මේ ප්රදේශයේ ඇත්තටම විශාල රන් නිධියක් තියෙනවාද නැද්ද යන්න තවමත් පැහැදිලි නැහැ. රන් සොයා පැමිණි බොහෝ දෙනෙකුට බලාපොරොත්තු වූ තරම් රන් නොලැබෙන නිසා ඔවුන් ආපසු හැරී යනවා. කෙසේ වෙතත්, මේ රන් සොයා යාම බොහෝ දෙනෙකුගේ ජීවිතවලට අලුත් බලාපොරොත්තුවක් ගෙනත් දීලා තියෙනවා.
Discussion & Feedback