මේ වසරේ මේ දක්වා කාලය තුළ ශ්රී ලංකාවෙන් වාර්තා වී ඇති සමස්ත ඩෙංගු රෝගීන්ගේ සංඛ්යාව 91,059ක් දක්වා ඉහළ ගොස් තිබෙනවා. ජාතික ඩෙංගු මර්දන ඒකකය නිකුත් කළ නවතම දත්තවලට අනුව, මේ වන විට ඩෙංගු රෝගය හේතුවෙන් සිදුවූ මරණ සංඛ්යාව 68ක් ලෙස සටහන් වෙනවා. විශේෂයෙන්ම ජූලි මාසයේදී රෝගීන් 29,971ක් වාර්තා වීමත් සමඟ රෝග ව්යාප්තියේ යම් වැඩිවීමක් දක්නට ලැබෙන අතර, අගෝස්තු මාසයේ මේ දක්වා දින කිහිපයට පමණක් රෝගීන් 5,714ක් වාර්තා වී තිබීම බරපතළ තත්ත්වයක්.
දිස්ත්රික් මට්ටමින් බැලුවහොත් ගම්පහ දිස්ත්රික්කයෙන් වැඩිම රෝගීන් සංඛ්යාවක් වාර්තා වන අතර, කොළඹ දිස්ත්රික්කය දෙවන ස්ථානයේ පසුවෙනවා. බස්නාහිර පළාතෙන් පමණක් සමස්ත රෝගීන්ගෙන් 53%කට ආසන්න ප්රමාණයක් වාර්තා වීමෙන් පෙනී යන්නේ නාගරික සහ කාර්මික කලාපවල ඩෙංගු මදුරුවන් බෝවීමේ අවදානම ඉතා ඉහළ මට්ටමක පවතින බවයි. දැනට සෞඛ්ය වෛද්ය නිලධාරී කොට්ඨාස 119ක් අධි අවදානම් කලාප ලෙස හඳුනාගෙන තිබෙනවා.
දිනකට සාමාන්යයෙන් රෝගීන් 1,500කට අධික ප්රමාණයක් අලුතින් වාර්තා වීම නිසා සෞඛ්ය අංශ ජනතාවගෙන් ඉල්ලා සිටින්නේ ඉතාමත් කල්පනාකාරීව කටයුතු කරන ලෙසයි. විශේෂයෙන්ම තමන්ගේ නිවස අවට පරිසරය පිරිසිදුව තබා ගැනීම සහ මදුරුවන් බෝවන ස්ථාන විනාශ කිරීම මගින් මෙම රෝග ව්යාප්තිය පාලනය කර ගැනීමට අප සැමටම හැකියාව තිබෙනවා. එබැවින් රෝග ලක්ෂණ ඇත්නම් වහාම වෛද්ය උපදෙස් ලබා ගැනීමටත්, පරිසරය පිරිසිදුව තබා ගැනීමටත් වගබලා ගන්න.

Discussion & Feedback