මේ වසරේ මේ දක්වා කාලය තුළ ශ්රී ලංකාවෙන් වාර්තා වී ඇති සමස්ත ඩෙංගු රෝගීන්ගේ සංඛ්යාව 65,034ක් දක්වා ඉහළ ගොස් තිබෙනවා. ජාතික ඩෙංගු මර්දන ඒකකය නිකුත් කළ නවතම දත්තවලට අනුව, ඉන් වැඩිම බලපෑමක් එල්ල වී ඇත්තේ බස්නාහිර පළාතටයි. විශේෂයෙන්ම ජුනි මාසයේදී රෝගීන් 21,539ක් වාර්තා වීමත් සමඟ තත්ත්වය තරමක් බරපතළ අතට හැරී ඇති අතර, ජූලි මාසයේ මුල් දින කිහිපය තුළ පමණක් තවත් රෝගීන් 9,654ක් හඳුනාගෙන තිබෙනවා. මේ වන විට ඩෙංගු හේතුවෙන් සිදුව ඇති මරණ සංඛ්යාව 45ක් ලෙස වාර්තා වන අතර, සෞඛ්ය අංශ පෙන්වා දෙන්නේ තවමත් අවදානම පහව ගොස් නොමැති බවයි.
දිස්ත්රික්ක මට්ටමින් බැලුවොත් ගම්පහ සහ කොළඹ දිස්ත්රික්කවලින් වැඩිම රෝගීන් සංඛ්යාවක් වාර්තා වන අතර, එය සමස්ත රෝගීන්ගෙන් 38%ක් පමණ වෙනවා. මීට අමතරව මාතර, කළුතර, මහනුවර, ගාල්ල සහ රත්නපුර යන දිස්ත්රික්ක ද මේ වන විට ඉහළ අවදානමක් සහිත කලාප ලෙස හඳුනාගෙන තිබෙනවා. සෞඛ්ය බලධාරීන් පවසන පරිදි සතියකට සාමාන්යයෙන් රෝගීන් 2,677ක් පමණ අලුතින් වාර්තා වන අතර, රට පුරා අධි අවදානම් සහිත සෞඛ්ය වෛද්ය නිලධාරී කොට්ඨාස 175ක් හඳුනාගෙන තිබෙනවා. ඒ නිසා ඔබේ නිවස අවට පරිසරය පිරිසිදුව තබා ගනිමින් මදුරුවන් බෝවන ස්ථාන විනාශ කිරීමට වහාම කටයුතු කරන ලෙස බලධාරීන් ජනතාවගෙන් ඉල්ලා සිටිනවා.

Discussion & Feedback