මේ දිනවල ශ්රී ලංකාව පුරා ඩෙංගු රෝගය සීග්රයෙන් පැතිරී යාමක් දකින්න ලැබෙනවා. ජාතික ඩෙංගු මර්දන ඒකකය නිකුත් කරපු අලුත්ම දත්තවලට අනුව, මේ වසරේ ජූලි 29 වෙනිදා වන විට වාර්තා වෙලා තියෙන මුළු ඩෙංගු රෝගීන් සංඛ්යාව 84,091ක් දක්වා ඉහළ ගිහින් තියෙනවා. මේ කාලය තුළ ඩෙංගු රෝගය නිසා ජීවිතක්ෂයට පත්වුණු සංඛ්යාව 61ක්. විශේෂයෙන්ම ජූලි මාසය තුළ පමණක් රෝගීන් 28,717ක් වාර්තා වෙලා තියෙනවා, ඒක මේ වසරේ වැඩිම රෝගීන් වාර්තා වුණු මාසය විදිහට හඳුන්වන්න පුළුවන්.
වැඩිම රෝගීන් සංඛ්යාවක් වාර්තා වෙන්නේ බස්නාහිර පළාතෙන්. ගම්පහ සහ කොළඹ දිස්ත්රික්කවලින් පමණක් රෝගීන් විශාල ප්රමාණයක් වාර්තා වෙනවා. දැනට සෞඛ්ය අංශ විසින් හඳුනාගෙන තියෙන අධි අවදානම් සහිත සෞඛ්ය වෛද්ය නිලධාරී කොට්ඨාස සංඛ්යාව 175ක්. දිනකට සාමාන්යයෙන් රෝගීන් 2,391ක් පමණ අලුතින් වාර්තා වීම බරපතළ තත්ත්වයක්. මේ නිසා රෝගය තවදුරටත් පැතිරීම පාලනය කරන්න නම් අපි හැමෝම වගකීමෙන් වැඩ කරන්න ඕනේ.
ඔයාලගේ නිවෙස් අවට තියෙන මදුරුවන් බෝවෙන්න පුළුවන් ස්ථාන වහාම පිරිසිදු කරලා, මදුරු මර්දන කටයුතුවලට සහයෝගය ලබා දෙන්න කියලා සෞඛ්ය අංශ ජනතාවගෙන් ඉල්ලා සිටිනවා. උණ රෝග ලක්ෂණ තියෙනවා නම් ප්රමාද නොවී වෛද්ය උපදෙස් ලබාගන්න එක ඉතාම වැදගත්. මේ වසංගත තත්ත්වය පාලනය කරගන්න නම් අපි හැමෝම එකතු වෙලා පරිසරය පිරිසිදුව තබා ගැනීම අත්යවශ්යයි.

Discussion & Feedback