තායිලන්තයේ බැංකොක් නුවර පිහිටි ජනප්රිය රාත්රී සමාජ ශාලාවක පසුගිය ඉරිදා රාත්රියේ හටගත් දරුණු ගින්නකින් පුද්ගලයින් 30 දෙනෙකු ජීවිතක්ෂයට පත්වීමත් සමඟ මේ වන විට ලොකු කතාබහක් ඇතිවෙලා තියෙනවා. මේ ගින්නෙන් තවත් 70කට අධික පිරිසක් තුවාල ලබා ඇති අතර, ඉන් 24 දෙනෙකුගේ තත්ත්වය ඉතා බරපතලයි. මූලික පරීක්ෂණවලින් හෙළි වෙලා තියෙන්නේ වායු සමීකරණ යන්ත්රයක ඇති වූ කෙටි පරිපථයක් නිසා මේ ගින්න හටගෙන ඇති බවයි. නමුත් ගින්න පැතිර යාම වේගවත් වීමට හේතු වුණේ වේදිකාව සැරසීමට භාවිතා කර තිබූ ඉතා ඉක්මනින් ගිනි ගන්නා සුළු ද්රව්ය බව විශේෂඥයින් පෙන්වා දෙනවා.
ගින්නෙන් දිවි ගලවා ගත් අය පවසන්නේ සමාජ ශාලාවේ හදිසි පිටවීමේ දොරවල් අගුළු දමා තිබූ බවත්, ඒ පිළිබඳව කිසිදු සලකුණක් නොතිබූ බවත්ය. බොහෝ දෙනෙක් බේරෙන්න බැරිව වැසිකිළි තුළ සිරවී මියගොස් සිටියදී සොයාගෙන තිබෙනවා. විශේෂයෙන්ම මේ ස්ථානය ‘ආපන ශාලාවක්’ ලෙස ලියාපදිංචි කර තිබීම නිසා ගිනි නිවීමේ ආරක්ෂිත ක්රමවේද අනුගමනය කිරීමේ බරපතල අඩුවක් තිබූ බවත් වාර්තා වෙනවා. මේ සමාජ ශාලාවේ හිමිකරුගේ තවත් ආපන ශාලාවක් මීට වසර කිහිපයකට පෙරත් ගින්නකින් විනාශ වී තිබීම විශේෂ සිදුවීමක්. මේ වන විට බලධාරීන් සිද්ධිය සම්බන්ධයෙන් දැඩි පරීක්ෂණයක් ආරම්භ කර ඇති අතර, ආරක්ෂිත නීති රීති කඩ කිරීම සම්බන්ධයෙන් නීතිමය පියවර ගැනීමට සූදානම් වෙනවා.

Discussion & Feedback