මේ දවස්වල විදේශීය රටවල ඉඳන් තැපැල් පාර්සල් හරහා ලංකාවට මත්ද්රව්ය එවන ප්රවණතාවක් වැඩි වෙලා තියෙනවා කියලා ශ්රී ලංකා රේගුව අනතුරු අඟවනවා. මත්ද්රව්ය ජාවාරම්කරුවන් නීතියේ ඇස් වහන්න පුංචි පුංචි පාර්සල් විදිහට මේවා එවන නිසා ඒවා අල්ලගන්න එක ලේසි වෙන්නේ නැහැ. පසුගිය ජූනි මාසයේ විතරක් කටුනායක ගුවන්තොටුපළේදී සහ තැපැල් පාර්සල් ආශ්රිතව කරපු වැටලීම්වලින් මත්ද්රව්ය කිලෝග්රෑම් 83.2ක් අල්ලගන්න රේගු නිලධාරීන්ට පුළුවන් වුණා. විශේෂයෙන්ම තායිලන්තයේ ඉඳන් එන පාර්සල්වල ‘කුෂ්’ වැනි මත්ද්රව්ය වැඩිපුර තියෙන බව තමයි රේගු මාධ්ය ප්රකාශක චන්දන පුංචිහේවා මහතා කියන්නේ.
දිනපතා ලංකාවට එන විශාල තැපැල් පාර්සල් ප්රමාණය නිසා හැම පාර්සලයක්ම අතින් පරීක්ෂා කරන්න බැරි තත්ත්වයක් තියෙනවා. ඒ නිසා රේගුව දැන් නවීන ස්කෑනර් තාක්ෂණය පාවිච්චි කරලා සැක සහිත පාර්සල් හඳුනාගන්න වැඩපිළිවෙළක් ක්රියාත්මක කරනවා. එක පාර්සලයක තියෙන මත්ද්රව්ය ප්රමාණය අඩු වුණාට, මේවා කෙලින්ම පාරිභෝගිකයා අතටම ලැබෙන නිසා සමාජයට වෙන හානිය හරිම බරපතළයි. ජාවාරම්කරුවන් මේ මත්ද්රව්ය වෙනත් දේවල් එක්ක මිශ්ර කරලා වැඩි කරලා විකුණන නිසා මේ තත්ත්වය ගැන ජනතාව වගේම අදාළ අංශත් ඉතාම අවධානයෙන් ඉන්න ඕනේ කියලා රේගුව වැඩිදුරටත් මතක් කරනවා.

Discussion & Feedback