චීනයේ සිට මෙරටට ආනයනය කරපු යකඩ දොරවල් තොගයක් ඇතුළේ ඉතාම සූක්ෂම විදිහට සඟවාගෙන ආපු නීතිවිරෝධී චීන සිගරට් තොගයක් ශ්රී ලංකා රේගුව විසින් අත්අඩංගුවට අරන් තියෙනවා. මේ සිගරට් තොගය අල්ලගන්න පුළුවන් වුණේ රේගු ආදායම් බදු විමර්ශන අංශයේ නිලධාරීන් විසින් සිදුකරපු විශේෂ පරීක්ෂාවකදීයි. මේ බහාලුම පරීක්ෂා කරද්දී තමයි දොරවල් ඇතුළේ හංගලා තිබුණු මේ සිගරට් තොගය නිලධාරීන්ට හොයාගන්න පුළුවන් වුණේ.
මේ විදිහට අත්අඩංගුවට ගත්ත සිගරට් ප්රමාණය ලක්ෂ දෙකකටත් වැඩියි. මේ සිගරට් තොගයේ වටිනාකම රුපියල් මිලියන 30කට වඩා වැඩි බවයි රේගු ආරංචි මාර්ග සඳහන් කරන්නේ. බදු ගෙවීම් මඟහැරලා මේ වගේ නීතිවිරෝධී භාණ්ඩ රට තුළට ගේන්න උත්සාහ කරපු පුද්ගලයින් ගැන මේ වෙද්දී රේගු නිලධාරීන් විසින් වැඩිදුර විමර්ශන කටයුතු ආරම්භ කරලා තියෙනවා. රටේ නීතියට පිටින් මේ වගේ ජාවාරම් කරන අයට විරුද්ධව දැඩි පියවර ගන්න බවත් රේගුව පවසනවා.

Discussion & Feedback