පාපන්දු පිටියේ දැවැන්තයෙක් වන ක්‍රිස්ටියානෝ රොනාල්ඩෝ මේ දිනවල අලුත්ම වැඩකටයුත්තකට අතගහලා තියෙනවා. ඒ තමයි ප්‍රසිද්ධ අධ්‍යක්ෂක මැතිව් වෝන් එක්ක එකතු වෙලා අලුත්ම ටෙලි කතා මාලාවක් නිෂ්පාදනය කිරීම. ‘Day 1s’ කියලා නම් කරලා තියෙන මේ කතා මාලාව පාපන්දු නියෝජිතයෙක් වටා ගෙතුණු කතාවක්. මේ සඳහා රොනාල්ඩෝ රංගනයෙන් දායක වෙනවා වගේම විධායක නිෂ්පාදකවරයෙක් විදිහටත් කටයුතු කරනවා. මේ කතා මාලාවේ ප්‍රධාන චරිතයට රංගනයෙන් දායක වෙන්නේ ඩේමියන් ලුවිස්. ඒ වගේම තියරි හෙන්රි සහ රැපර් ඩේව් වගේ ප්‍රසිද්ධ තරු කිහිපයකුත් මේ කතා මාලාවෙන් අපිට බලාගන්න පුළුවන්.
මේ වැඩේ සිද්ධ වෙන්නේ රොනාල්ඩෝ සහ මැතිව් වෝන් එකතු වෙලා පටන් ගත්ත ‘UR•Marv Studios’ හරහායි. දැනටමත් ලන්ඩන් නුවරදී මේ කතා මාලාවේ රූගත කිරීම් පටන් අරන් තියෙනවා. රොනාල්ඩෝ තමන්ගේ පාපන්දු දිවියෙන් පස්සේ අනාගතය ගැන හිතලා මේ වගේ නිර්මාණාත්මක දේවල්වලට යොමු වෙන්න තීරණය කරලා තියෙනවා. ලෝක කුසලාන තරගාවලියෙන් පස්සේ රොනාල්ඩෝගේ මේ අලුත්ම පියවර ගැන ලෝකය පුරා ඉන්න ඔහුගේ රසිකයන් ගොඩක් බලාපොරොත්තු තියාගෙන ඉන්නවා. ඉතින් මේ කතා මාලාව තිරගත වුණාම කොහොම වෙයිද කියලා බලන්න අපි හැමෝම වගේම රොනාල්ඩෝගේ රසිකයනුත් ගොඩක් ආසාවෙන් ඉන්නේ.
Discussion & Feedback