අධිකරණයට අපහාස කිරීමේ සිද්ධියකට අදාළව සිරදඬුවම් නියම වී සිටින බොදු බල සේනා සංවිධානයේ මහලේකම් ගලගොඩඅත්තේ ඥානසාර හිමියන්ව වහාම අත්අඩංගුවට ගන්නා ලෙස අභියාචනාධිකරණය විසින් පොලිස්පතිවරයාට නියෝග කර තිබෙනවා. උන්වහන්සේව අත්අඩංගුවට ගෙන අධිකරණය හමුවට ඉදිරිපත් කරන ලෙසයි මෙම විවෘත වරෙන්තුව මගින් දැනුම් දී තිබෙන්නේ. අධිකරණ නියෝගය අනුව ඉතා ඉක්මනින් මෙම අත්අඩංගුවට ගැනීම සිදු කිරීමට නියමිතයි.
මෙම නියෝගයට අමතරව ඥානසාර හිමියන්ට විදෙස් ගමන් තහනමක් පැනවීමටත් අධිකරණය පියවර ගෙන තිබෙනවා. ඒ අනුව උන්වහන්සේට රටින් පිටව යාම සම්පූර්ණයෙන්ම තහනම් වන අතර, මේ පිළිබඳව ආගමන විගමන පාලක ජනරාල්වරයාටත් දැනුම් දෙන ලෙස අධිකරණය උපදෙස් ලබා දී තිබෙනවා. අධිකරණයට අපහාස කිරීමේ චෝදනාවකට වරදකරු වීමෙන් පසුව උන්වහන්සේට මෙම සිරදඬුවම හිමිව තිබුණා. දැනට පවතින නීතිමය තත්ත්වය අනුව පොලිසිය විසින් මෙම වරෙන්තුව ක්රියාත්මක කිරීමේ කටයුතු ආරම්භ කර ඇති බවයි වාර්තා වන්නේ.

Discussion & Feedback