අඟහරු ග්රහයා මත අතීතයේ ජීවය පැවතුණාද යන්න සොයා බැලීම සඳහා යුරෝපීය අභ්යවකාශ ඒජන්සිය විසින් ‘රොසලින්ඩ් ෆ්රෑන්ක්ලින්’ නමින් රෝවර් යානයක් අඟහරු වෙත යැවීමට සූදානම් වෙනවා. විද්යාඥයන් විශ්වාස කරන විදිහට අඟහරුගේ මතුපිට ඇති මැටි තට්ටු තුළ අතීත ජීවයේ සලකුණු සැඟවී තිබෙන්නට පුළුවන්. විශේෂයෙන්ම ‘ඔක්සියා ප්ලැනම්’ නම් ප්රදේශයේ විශාල වශයෙන් මැටි තැන්පතු පවතින බව සොයාගෙන ඇති අතර, මීට වසර බිලියන ගණනාවකට පෙර මෙහි ජලය බහුලව තිබෙන්නට ඇති බවට සාක්ෂි ලැබී තිබෙනවා. මෙම ප්රදේශය අතීතයේදී විශාල සාගරයකින් හෝ ජල ගැලීම්වලින් වැසී ගිය ස්ථානයක් විය හැකි බවයි පර්යේෂකයන් පවසන්නේ.
මෙම රෝවර් යානය 2028 වසරේදී අඟහරු වෙත යැවීමට නියමිතයි. එහි ඇති විශේෂ උපකරණ මගින් අඟහරුගේ මතුපිට පස හාරා පරීක්ෂා කිරීමටත්, අතීතයේ පැවති ජලයේ රසායනික වෙනස්කම් සහ ජීවය පැවතීමට අවශ්ය සාධක තිබුණාද යන්න සොයා බැලීමටත් හැකි වෙනවා. පෘථිවියේ ජීවය පැවතීමට ජලය අත්යවශ්ය සාධකයක් වන නිසා, අඟහරුගේ මෙම මැටි තට්ටු තුළින් ජීවයේ සලකුණු හමුවීම අභ්යවකාශ විද්යාවේ විශාල පෙරළියක් වනු ඇති බවයි විද්යාඥයන් පවසන්නේ. කෙසේ වෙතත්, මේ වන තෙක් පෘථිවියෙන් පිටත ජීවයක් පිළිබඳ නිශ්චිත සාක්ෂි ලැබී නැති නිසා, මෙම මෙහෙයුම අඟහරු ග්රහයා පිළිබඳ අපේ දැනුම තවත් පුළුල් කරනු ඇති බවට සැකයක් නැහැ.

Discussion & Feedback