ලොවම කම්පා කළ ලිංගික අපරාධකරුවෙක් වුණු ජෙෆ්රි එප්ස්ටීන්ගේ ග්රහණයට හසු වුණු තරුණියක්, ඔහුගේ අඳුරු ලෝකය ගැන මුල් වරට හෙළිදරව් කර තිබෙනවා. ඇන්යා (ව්යාජ නමක්) කියන විදිහට, එප්ස්ටීන් ඇයව සහ තවත් තරුණියන් පිරිසක් තමන්ගේ පාලනය යටතේ තියාගෙන හිටියේ හරියට ‘සංවිධානයක්’ (cult) වගේ. ඇයව රස්සාවක් දෙනවා කියලා රවට්ටලා ගෙන්නගෙන, පස්සේ ඇගේ මුළු ජීවිතේම එප්ස්ටීන් තමන්ගේ පාලනයට නතු කරගෙන තියෙනවා. ඔහු ඇගේ මුදල්, ඇය ඇසුරු කරන අය වගේම ඇගේ ශරීරය පවා තමන්ගේ ඕනෑ එපාකම්වලට අනුව පාලනය කළා විතරක් නෙවෙයි, ඇයට අනවශ්ය ශල්යකර්ම පවා බලෙන් කරවලා තියෙනවා.
මේ තරුණියන්ව එප්ස්ටීන් තමන්ගේ ගොදුරු බවට පත් කරගත්තේ ඉතාම සූක්ෂම විදිහටයි. විශේෂයෙන්ම රුසියාව වගේ රටවලින් ආපු, තරුණියන්ව ඉලක්ක කරගෙන ඔහු ඔවුන්ව මානසිකව දුර්වල කරලා තමන් මත යැපෙන තත්ත්වයට පත් කරගන්නවා. ඇන්යා කියන විදිහට, එප්ස්ටීන්ගේ මේ ක්රියාකලාපය නිසා ඇය වසර ගණනාවක් තිස්සේ දරුණු මානසික පීඩාවකට ලක් වුණා. ඇය වගේම තවත් බොහෝ තරුණියන් මේ උගුලට අහුවෙලා තියෙන්නේ ඉතාම කපටි විදිහට මොඩලින් ක්ෂේත්රයේ සම්බන්ධතා හරහායි. අදටත් ඇය ඒ අතීතය ගැන හිතද්දී වෙව්ලනවා. මේ සිදුවීමෙන් පේන්නේ බලය සහ මුදල් තියෙන කෙනෙක්ට කොච්චර පහසුවෙන් අහිංසක ජීවිත විනාශ කරන්න පුළුවන්ද කියන එකයි.

Discussion & Feedback