ලෝකයේ වඳවී ගිය සතුන් නැවත පණගැන්වීමේ අරමුණින් කටයුතු කරන ‘Colossal Biosciences’ සමාගම මේ දිනවල අලුත් ආයෝජන වටයක් සඳහා සාකච්ඡා පවත්වමින් ඉන්නවා. වාර්තා වන විදිහට ඔවුන්ගේ වටිනාකම ඇමරිකානු ඩොලර් බිලියන 20 සිට 30 දක්වා ඉහළ නංවා ගැනීමටයි ඔවුන් බලාපොරොත්තු වෙන්නේ. මීට මාස 16කට කලින් ඔවුන්ගේ වටිනාකම ඩොලර් බිලියන 10.2ක් ලෙස සටහන් වුණත්, මේ කෙටි කාලය තුළ සමාගම ලබාගෙන තියෙන විශාල දියුණුව නිසා ආයෝජකයන්ගේ අවධානය ඔවුන් වෙත තදින්ම යොමු වෙලා තියෙනවා.
මෙම සමාගම හුදෙක් සතුන් පණගැන්වීමට පමණක් සීමා නොවී, ජාන තාක්ෂණය සහ කෘතිම බුද්ධිය (AI) භාවිතයෙන් විවිධ ව්යාපෘති රැසක් දියත් කරලා තියෙනවා. විශේෂයෙන්ම ප්ලාස්ටික් දිරාපත් කරන තාක්ෂණය, ජීව විද්යාත්මක දත්ත විශ්ලේෂණය සහ කෘතිම ගර්භාෂ තාක්ෂණය වැනි ක්ෂේත්රවල ඔවුන් සාර්ථක ප්රතිඵල පෙන්වනවා. දැනටමත් ඔවුන්ගේ තාක්ෂණයන් ඇමරිකානු රජය සහ එක්සත් අරාබි එමීර් රාජ්යය වැනි රටවල් විසින් පවා අගය කරලා තියෙනවා. ඉදිරියේදී වඳවී ගිය මැමත් සහ ඩෝඩෝ පක්ෂීන් වැනි සතුන් නැවත ස්වභාවික පරිසරයට මුදා හැරීම හරහා ජෛව විවිධත්ව ණය (biodiversity credits) ක්රමය ඔස්සේ විශාල ආදායමක් උපයා ගැනීමටත් ඔවුන් සැලසුම් කරලා තියෙනවා.
මේ වන විට සමාගම තමන්ගේම අනුබද්ධ ආයතන කිහිපයක් බිහි කර ඇති අතර, ඒවායේ වටිනාකම ද බිලියන ගණනින් ඉහළ ගිහින් තියෙනවා. විශේෂයෙන්ම වෛද්ය ක්ෂේත්රයට සහ පරිසර සංරක්ෂණයට ඔවුන්ගේ තාක්ෂණයෙන් ලැබෙන දායකත්වය ඉතාම ඉහළයි. ඉදිරි වසරේදී ඔවුන්ගේ කෘතිම ගර්භාෂ තාක්ෂණය මිනිසුන්ගේ සරුභාවය වැඩි දියුණු කිරීම සඳහා යොදා ගැනීමට හැකි වනු ඇතැයි අපේක්ෂා කරනවා. මේ සියල්ලත් එක්ක බලද්දී, තාක්ෂණික ලෝකයේ ඉදිරි ගමන වෙනස් කරන ප්රබල සමාගමක් විදිහට Colossal Biosciences ඉදිරියට එන බව පැහැදිලියි.

Discussion & Feedback