හොලිවුඩයේ ජනප්‍රිය අධ්‍යක්ෂක රිච් පෙපියාට්ගේ අලුත්ම නිර්මාණය වන ‘බැඩ් බ්‍රිජට්ස්’ (Bad Bridgets) චිත්‍රපටය ගැන මේ දවස්වල ලොකු කතාබහක් ඇතිවෙලා තියෙනවා. නෙට්ෆ්ලික්ස් ආයතනය සමඟ එක්ව නිෂ්පාදනය කරන මේ චිත්‍රපටයට කොලින් ෆැරල්, ස්ටීව් කූගන්, චාලි හීටන් සහ දොම්නාල් ග්ලීසන් වගේ ප්‍රසිද්ධ නළු නිළියන් රැසක් එකතු වෙන්න තීරණය කරලා තියෙනවා. මීට කලින් ප්‍රධාන චරිත සඳහා එමිලියා ජෝන්ස් සහ ඇලිසන් ඔලිවර් තෝරාගෙන තිබුණා. මේ චිත්‍රපටය පදනම් වෙලා තියෙන්නේ එලේන් ෆැරල් සහ ලියෑන් මැකෝමික් ලියපු ‘බැඩ් බ්‍රිජට්’ කියන පොත ඇසුරින්. 19 වන සියවසේදී අලුත් ජීවිතයක් හොයාගෙන ඇමරිකාවට යන අයර්ලන්ත තරුණියක් මුහුණ දෙන අභියෝග සහ ඇය ‘බ්‍රිජට්ස්’ කියන අමුතු ලෝකයකට ඇද වැටෙන ආකාරය ගැන තමයි මේ කතාවේ කියවෙන්නේ.
මේ චිත්‍රපටයේ වැඩකටයුතු ලබන ජූලි මාසයේදී අයර්ලන්තයේ සහ උතුරු අයර්ලන්තයේදී ආරම්භ කරන්න නියමිතයි. ‘නීකැප්’ (Kneecap) චිත්‍රපටයෙන් බාෆ්ටා සම්මානය දිනාගත්ත රිච් පෙපියාට් මේ චිත්‍රපටය අධ්‍යක්ෂණය කරන අතර, මාගොට් රොබීගේ ‘ලකී චැප්’ නිෂ්පාදන ආයතනයත් මේ සඳහා දායක වෙනවා. චිත්‍රපටයේ තාක්ෂණික පැත්ත ගැන කතා කළොත්, ‘පුවර් තින්ග්ස්’ චිත්‍රපටයේ වැඩ කරපු දක්ෂ නිර්මාණ ශිල්පීන් පවා මේකට එකතු වෙලා ඉන්නවා. ඒ නිසාම මේ චිත්‍රපටය ගැන සිනමා ලෝලීන් ලොකු බලාපොරොත්තුවකින් ඉන්නවා. කොහොම වුණත්, 19 වන සියවසේ අයර්ලන්ත කාන්තාවන්ගේ ජීවිත අරගලය සහ ඔවුන්ගේ අත්දැකීම් කොයි වගේද කියලා මේ චිත්‍රපටයෙන් අපිට බලාගන්න පුළුවන් වෙයි.
Discussion & Feedback