ඇමරිකානු ජනාධිපති ඩොනල්ඩ් ට්රම්ප්ගේ පාලනය යටතේ සී.එන්.එන් (CNN), එම්.එස් නව් (MS NOW) සහ පොලිටිකෝ (Politico) යන ප්රධාන පෙළේ මාධ්ය ආයතනවලට ධවල මන්දිරයට ඇතුළු වීමේ අවස්ථාව නැවතත් අහිමි වීමේ බරපතළ අවදානමක් මතුව තිබෙනවා. පසුගියදා අධිකරණය විසින් ලබා දුන් තාවකාලික තහනම් නියෝගය හේතුවෙන් මාධ්යවේදීන්ට යළිත් ධවල මන්දිරයට ඇතුළු වීමට අවස්ථාව ලැබුණත්, එම නියෝගය අවසන් වූ සැණින් ට්රම්ප් පාලනය විසින් නැවතත් සම්පූර්ණ තහනමක් පැනවීමට ඉඩ ඇති බවට මෙම මාධ්ය ආයතන බිය පළ කරනවා. මේ නිසා ඔවුන් අධිකරණයෙන් ඉල්ලා සිටින්නේ මෙම නඩුව අවසන් වන තුරු මාධ්යවේදීන්ගේ ප්රවේශ පත්ර අහෝසි කිරීම වළක්වන ස්ථිර නියෝගයක් ලබා දෙන ලෙසයි.
මෙම මාධ්ය ආයතන පෙන්වා දෙන්නේ ට්රම්ප් පාලනය ඔවුන්ගේ වාර්තාකරණයට එරෙහිව පළිගැනීමේ ක්රියාමාර්ග ගන්නා බවයි. විශේෂයෙන්ම ජනාධිපතිවරයාගේ විවේචනාත්මක වාර්තාකරණයන් මර්දනය කිරීමට සහ මාධ්යවේදීන් බිය ගැන්වීමට මෙම තහනම භාවිතා කරන බව ඔවුන් චෝදනා කරනවා. අධිකරණ නියෝගය ලැබීමෙන් පසුවත් ඇතැම් රාජකාරිවලින් සී.එන්.එන් මාධ්යවේදීන් බැහැර කිරීමට ධවල මන්දිරය කටයුතු කිරීම මෙයට කදිම උදාහරණයක්. මෙය ප්රජාතන්ත්රවාදයේ මූලික අයිතිවාසිකමක් වන මාධ්ය නිදහසට එල්ල කළ බරපතළ ප්රහාරයක් බවත්, ජනතාවට නිවැරදි තොරතුරු දැනගැනීමේ අයිතිය මෙයින් උල්ලංඝනය වන බවත් නීතිඥවරුන් පවසනවා. ඉදිරියේදී මෙම නඩුව සම්බන්ධයෙන් අධිකරණය ගන්නා තීරණය ඇමරිකානු මාධ්ය නිදහස සම්බන්ධයෙන් ඉතා තීරණාත්මක වනු ඇති.

Discussion & Feedback