අන්තර්ජාලයේ තියෙන වෙබ් අඩවිවල තොරතුරු AI තාක්ෂණය සඳහා නොමිලේ ලබාගැනීම පාලනය කරන්න Cloudflare ආයතනය අලුත්ම තීරණයක් අරගෙන තියෙනවා. 2026 සැප්තැම්බර් 15 වෙනිදා ඉඳන්, සාමාන්ය සෙවුම් යන්ත්ර (Search Engines) සහ AI පුහුණු කිරීම් සඳහා භාවිතා කරන ‘මිශ්ර’ ක්රෝලර්ස් (Mixed-use crawlers) වලට වෙබ් අඩවිවලට ඇතුළු වෙන්න තියෙන අවසරය Cloudflare විසින් ස්වයංක්රීයවම අවහිර කරනවා. මේකෙන් බලාපොරොත්තු වෙන්නේ වෙබ් අඩවි හිමියන්ගේ බුද්ධිමය දේපළ ආරක්ෂා කරලා, ඒ අන්තර්ගතයන් AI සමාගම් විසින් නොමිලේ උකහා ගැනීම වළක්වන්නයි.
මේ වෙනසත් එක්ක AI සමාගම්වලට තමන්ගේ වැඩකටයුතු කරගන්න නම් වෙබ් අඩවි හිමියන්ට මුදල් ගෙවන්න සිද්ධ වෙනවා. විශේෂයෙන්ම ‘Pay Per Use’ කියන ක්රමය හරහා, AI සමාගම් විසින් වෙබ් අඩවියක තොරතුරු භාවිතා කරලා යම් වටිනාකමක් නිර්මාණය කරන හැම අවස්ථාවකදීම අදාළ හිමිකරුට මුදල් ගෙවන්න පුළුවන්. දැනටමත් Ceramic.ai සහ You.com වගේ ආයතන එක්ක එකතු වෙලා මේ වැඩපිළිවෙල පටන් අරගෙන තියෙනවා. Cloudflare ප්රධාන විධායක නිලධාරී මැතිව් ප්රින්ස් කියන විදිහට, අන්තර්ජාලයේ තියෙන ට්රැෆික් එකෙන් වැඩි හරියක්ම දැන් එන්නේ මිනිසුන්ගෙන් නෙවෙයි බොට්ස්ලාගෙන් නිසා, මේ වගේ තිරසාර පද්ධතියක් හදන එක අනිවාර්ය දෙයක් වෙලා තියෙනවා.
මේ පියවර නිසා ගූගල් වගේ ලොකු සමාගම්වලටත් තමන්ගේ AI සේවා සඳහා තොරතුරු ලබාගැනීමේදී මීට වඩා විනිවිදභාවයකින් වැඩ කරන්න සිද්ධ වෙනවා. වෙබ් අඩවි හිමියන්ට තමන්ගේ අන්තර්ගතය මත පාලනයක් තියාගන්න සහ ඒ හරහා ආදායමක් උපයාගන්න මේක ලොකු අවස්ථාවක් වේවි.

Discussion & Feedback