ඉරානයට එරෙහිව ඇමරිකා එක්සත් ජනපදය විසින් නව ආර්ථික සම්බාධක මාලාවක් පැනවීමට තීරණය කිරීමත් සමඟ ලෝක දේශපාලන කරළිය උණුසුම් වෙලා තියෙනවා. ඇමරිකානු භාණ්ඩාගාර ලේකම් ස්කොට් බෙසන්ට් පවසන්නේ ඉරානයේ ආදායම් මාර්ග සම්පූර්ණයෙන්ම අවහිර කරමින් ඔවුන්ව හුදකලා කිරීමට ඇමරිකාව පියවර ගන්නා බවයි. මේ පියවර හඳුන්වන්නේ ඉරානයට එරෙහිව දියත් කරන දැවැන්තම මූල්ය ප්රහාරය විදිහටයි. කෙසේ වෙතත්, මේ තීරණයට චීනය ඉතා දැඩි ලෙස විරුද්ධ වී තිබෙනවා. චීන විදේශ අමාත්යාංශයේ ප්රකාශක ලින් ජියන් පවසන්නේ ඇමරිකාවේ මේ ඒකපාර්ශ්වික සම්බාධක නීති විරෝධී බවත්, තම රටේ අයිතිවාසිකම් ආරක්ෂා කර ගැනීමට අවශ්ය ඕනෑම පියවරක් ගැනීමට චීනය පසුබට නොවන බවත්ය.
ඉරානයෙන් වැඩිම තෙල් ප්රමාණයක් මිලදී ගන්නා රට චීනයයි. ඇමරිකාව අනතුරු අඟවන්නේ ඉරානය සමඟ ගනුදෙනු කරන ඕනෑම බැංකුවක් හෝ ව්යාපාරයක් ජාත්යන්තර මූල්ය පද්ධතියෙන් හුදකලා කිරීමට තමන් පසුබට නොවන බවයි. නමුත් චීනය පවසන්නේ ඉරානය සමඟ පවතින සහයෝගීතාව ජාත්යන්තර නීතිවලට අනුකූල බවයි. මේ අතර, ඉරාන ආර්ථික අමාත්යවරයා පවසන්නේ ඇමරිකාවේ මේ තර්ජනවලට මුහුණ දීමට තමන් සතුව වසර දෙකක සැලැස්මක් පවතින බවයි. ඇමරිකාව සහ චීනය අතර පවතින මේ ගැටුම ඉදිරියේදී ගෝලීය ආර්ථිකයට සහ තෙල් මිලට විශාල බලපෑමක් ඇති කරනු ඇතැයි ආර්ථික විශ්ලේෂකයන් අනතුරු අඟවනවා. විශේෂයෙන්ම චීනය සතු දුර්ලභ ඛනිජ සම්පත් අපනයනය සීමා කිරීම වැනි ප්රතිප්රහාරයක් ඇමරිකාවට එල්ල වීමට ඉඩ ඇති බවයි ඔවුන් වැඩිදුරටත් පෙන්වා දෙන්නේ.

Discussion & Feedback