ලොව පුරා භීෂණ චිත්‍රපට රසිකයන් අතර අතිශය ජනප්‍රිය ‘පැරනෝමල් ඇක්ටිවිටි’ (Paranormal Activity) චිත්‍රපට මාලාවේ අලුත්ම නිර්මාණයට ප්‍රධාන චරිතයක් සඳහා ‘මිතික් ක්වෙස්ට්’ (Mythic Quest) හරහා ප්‍රසිද්ධියට පත් චේ යී (Chase Yi) තෝරාගෙන තියෙනවා. මේ වන විටත් හොලිවුඩයේ දැවැන්ත නිෂ්පාදන ආයතන වන බ්ලම්හවුස් (Blumhouse) සහ පැරාමවුන්ට් පික්චර්ස් (Paramount Pictures) එකතුවෙන් මෙම චිත්‍රපටය නිර්මාණය කිරීමට කටයුතු සූදානම් කරලා තියෙනවා. කැනේඩියානු සිනමා අධ්‍යක්ෂ ඉයන් ටුවාසන් (Ian Tuason) විසින් මෙම චිත්‍රපටය අධ්‍යක්ෂණය කිරීමට නියමිතයි.
මෙම චිත්‍රපටයේ කතා තේමාව හෝ චරිත පිළිබඳ වැඩිදුර තොරතුරු තවමත් රහසක් ලෙස තබා ගැනීමට නිෂ්පාදක කණ්ඩායම පියවර අරගෙන තියෙනවා. කෙසේ වෙතත්, 2009 වසරේදී ආරම්භ වුණු මෙම පැරනෝමල් ඇක්ටිවිටි චිත්‍රපට මාලාව ලොව පුරා ඩොලර් මිලියන 900කට අධික ආදායමක් උපයා ගනිමින් සිනමා ඉතිහාසයේ විශාල සාර්ථකත්වයක් ලබා තිබෙනවා. ජේම්ස් වෑන් සහ ජේසන් බ්ලම් වැනි ප්‍රවීණ නිෂ්පාදකවරුන්ගේ දායකත්වයෙන් නිර්මාණය වන මෙම නවතම චිත්‍රපටය 2027 වසරේ මැයි 21 වනදා තිරගත කිරීමට නියමිතයි.
චේ යී මීට පෙර ‘හයි පොටෙන්ෂල්’ (High Potential) සහ ‘හැක්ස්’ (Hacks) වැනි ජනප්‍රිය රූපවාහිනී කතාමාලා හරහා තම රංගන දක්ෂතාවය පෙන්වා තිබෙනවා. ඔහු මෙම චිත්‍රපටයට එක්වීමත් සමඟ රසිකයන් අතර මේ වන විටත් විශාල උනන්දුවක් ඇති වෙලා තියෙනවා. භීෂණ චිත්‍රපට ලෝලීන්ට ඉදිරියේදී තවත් අලුත් අත්දැකීමක් ලබා ගැනීමට හැකි වේවි කියලා තමයි සිනමා ක්ෂේත්‍රයේ ආරංචි මාර්ග සඳහන් කරන්නේ.
Discussion & Feedback