ජනප්‍රිය හොලිවුඩ් නළු චාලි හනම් ප්‍රධාන චරිතයට පණ පොවන ‘Legacy of Spies’ ඔත්තු සේවා කතා මාලාවේ රූගත කිරීම් කටයුතු මේ වන විට සාර්ථකව අවසන් වෙලා තියෙනවා. MGM+ සහ BBC ආයතන එකතුවෙන් නිර්මාණය වන මේ කතා මාලාව ජෝන් ලෙ කැරේගේ සුප්‍රසිද්ධ නවකතා ඇසුරින් තමයි නිර්මාණය වෙන්නේ. මේ වෙනුවෙන් නිකුත් කරපු පළමු ඡායාරූප පෙළේ චාලි හනම්ව ඇලෙක් ලීමාස් ලෙසත්, මැතිව් මැක්ෆැඩියන්ව ජෝර්ජ් ස්මයිලි ලෙසත් අපිට දැකගන්න පුළුවන්. විශේෂයෙන්ම හනම්ව රාත්‍රී කාලයේදී දර්ශනය වන අයුරුත්, මැක්ෆැඩියන් ඇඳුම් කට්ටලයකින් සැරසී සිටින අයුරුත් රසිකයන් අතර ලොකු කතාබහක් ඇති කරලා තියෙනවා.
මේ කතා මාලාව සිදුවෙන්නේ සීතල යුද්ධය පැවති සමයේ පසුබිමකයි. නැගෙනහිර ජර්මනියේ රහස් ඔත්තු සේවය වන ස්ටාසි (Stasi) සහ බටහිර ඔත්තුකරුවන් අතර සිදුවන උණුසුම් සටනක් වටා තමයි කතාව ගෙතෙන්නේ. චාලි හනම් සහ මැතිව් මැක්ෆැඩියන් එක්ක හියු ලෝරි, ඩෑන් ස්ටීවන්ස් සහ ජෝ ඇල්වින් වගේ දක්ෂ නළු නිළියන් රැසක්ම මේ සඳහා දායක වෙනවා. ඉතාමත් කුතුහලයෙන් පිරුණු මේ කතා මාලාව ප්‍රේක්ෂකයන්ට අලුත්ම අත්දැකීමක් වෙයි කියලා තමයි මේ වන විට ආරංචි වෙන්නේ. ඉදිරියේදී මේ ගැන තවත් තොරතුරු දැනගන්න ලැබෙනු ඇති.
Discussion & Feedback