2019 පාස්කු ඉරිදා ප්රහාරයෙන් පීඩාවට පත් වුණු අහිංසක ජනතාවට යුක්තිය ඉටු කර ගැනීම වෙනුවෙන් කතෝලික සභාව දිගින් දිගටම කැපවී කටයුතු කරන බව අතිඋතුම් මැල්කම් කාදිනල් රංජිත් හිමිපාණන් පවසනවා. මේ ප්රහාරයේ මහ මොළකරුවන් සහ ඊට සම්බන්ධ සියලුම පාර්ශ්වයන් නීතිය හමුවට ගෙන ඒම සඳහා කොළඹ අගරදගුරු පදවිය උපරිමයෙන් කටයුතු කරන බවයි උන්වහන්සේ අවධාරණය කරන්නේ. රටේ අධිකරණ පද්ධතියේ ස්වාධීනත්වය පිළිබඳව තමන්ට පූර්ණ විශ්වාසයක් තිබෙන නිසා, අධිකරණ කටයුතුවලට කිසිදු ආකාරයකින් මැදිහත් වීමට සභාවේ බලාපොරොත්තුවක් නැති බවත් උන්වහන්සේ වැඩිදුරටත් සඳහන් කළා.
කෙසේ වෙතත්, මරණ දණ්ඩනය ක්රියාත්මක කිරීමට කතෝලික සභාව කිසිසේත්ම එකඟ නැති බව කාදිනල් හිමිපාණන් පැහැදිලි කරනවා. කතෝලික සභාවේ ඉගැන්වීම්වලට අනුව මරණ දණ්ඩනය යනු මානව ගරුත්වයට හානි කරන දෙයක් නිසා එය පිළිගත නොහැකි බවයි උන්වහන්සේ පෙන්වා දෙන්නේ. සභාව පළිගැනීමක් බලාපොරොත්තු වන්නේ නැති අතර, සිවිල් සමාජය සහ නීති පද්ධතිය හරහා සාධාරණත්වය සහ වගවීම තහවුරු විය යුතු බව උන්වහන්සේ පවසනවා. ඒ වගේම, අනාගතයේදී මෙවැනි අන්තවාදී ප්රහාර වැළැක්වීම සඳහා ජනතාව දැනුවත් කිරීමේ අවශ්යතාවය සහ ආගමික ස්ථානවල ආරක්ෂාව තහවුරු කිරීමේ වැදගත්කම ගැනත් උන්වහන්සේ විශේෂයෙන්ම සිහිපත් කළා.

Discussion & Feedback