කැනඩාව යුරෝපා සංගමයේ පළමු ‘සහකාර සාමාජිකයා’ ලෙස එක්කර ගැනීමේ යෝජනාවට කැනේඩියානු අගමැති මාර්ක් කාර්නි සිය කැමැත්ත පළ කර තිබෙනවා. ස්ට්රාස්බර්ග් නුවර පැවති යුරෝපා පාර්ලිමේන්තු සැසිවාරයකදී අදහස් දක්වමින් ඔහු පැවසුවේ, වත්මන් භූ-දේශපාලනික අර්බුද හමුවේ කැනඩාව සහ යුරෝපය එක්ව කටයුතු කිරීම ඉතා වැදගත් බවයි. ආරක්ෂක කටයුතු, බලශක්ති සුරක්ෂිතතාව සහ අත්යවශ්ය ඛනිජ සම්පත් හුවමාරුව වැනි ක්ෂේත්රවලදී මෙම නව සන්ධානය හරහා දෙපාර්ශවයටම විශාල වාසි අත්කර ගැනීමට හැකි වනු ඇති බව ඔහු විශ්වාස කරනවා.
කෙසේ වෙතත්, ඇමරිකානු ජනාධිපති ඩොනල්ඩ් ට්රම්ප් මෙම යෝජනාව දැඩි ලෙස විවේචනය කරමින් පවසන්නේ, මෙය තමන්ට එරෙහි සතුරු ක්රියාවක් ලෙස සැලකුවහොත් යුරෝපයට එරෙහිව දැඩි බදු පැනවීමට කටයුතු කරන බවයි. මේ වන විටත් ඇමරිකාව සහ කැනඩාව අතර වෙළඳ ගැටුම් උත්සන්න වී ඇති පසුබිමක, කාර්නි අවධාරණය කරන්නේ කැනඩාව කිසිවෙකුගේ බලපෑමකට යටත් නොවී තමන්ගේම විදේශ ප්රතිපත්ති තීරණය කිරීමට ස්වාධීන බවයි. මෙය යුරෝපා සංගමයේ පූර්ණ සාමාජිකත්වයක් නොවන අතර, දෙපාර්ශවයේම උපායමාර්ගික ස්වාධීනත්වය ශක්තිමත් කරගැනීම සඳහා වන නව රාමුවක් පමණක් බව ඔහු පැහැදිලි කරනවා.
මෙම සහකාර සාමාජිකත්වය හරහා තරුණ පරපුරට අධ්යාපන සහ රැකියා අවස්ථා හුවමාරු කර ගැනීමටත්, තාක්ෂණික සම්පත් බෙදාහදා ගැනීමටත් අවස්ථාව ලැබෙනු ඇති. කෙසේ වෙතත්, මෙම ක්රියාවලිය සම්පූර්ණ වීමට තව වසර ගණනාවක් ගත විය හැකි අතර, යුරෝපා සංගමයේ සාමාජික රටවල් 27ක එකඟතාවය ද මීට අත්යවශ්ය වෙනවා.

Discussion & Feedback