කැනඩාවේ පෝටර් එයාර්ලයින්ස් ගුවන් සේවයට අයත් යානයක් වික්ටෝරියා සිට ටොරොන්ටෝ බලා පිටත්ව යාමට සූදානම් වෙද්දී, කුඩා දරුවෙක් සීට් බෙල්ට් එක පැළඳීමට දැඩි ලෙස විරුද්ධ වීම නිසා ගුවන් ගමන අතරමග නතර කිරීමට සිදුවුණා. දරුවා අසුන මත නැගී සිටිමින් සීට් බෙල්ට් එක පැළඳීම ප්රතික්ෂේප කිරීම නිසා ගුවන් යානය නැවත ගුවන් තොටුපළ වෙත හරවා එවීමට නියමුවන්ට සිදු වුණා. මේ සිද්ධිය නිසා ගුවන් ගමන ප්රමාද වූ අතර, පසුව ගුවන් ධාවන පථය වසා දැමීම හේතුවෙන් එදින ගමන සම්පූර්ණයෙන්ම අවලංගු කර මගීන්ව පසුදින ගමනට යොමු කිරීමට ගුවන් සමාගමට සිදුවුණා.
මේ සිද්ධියත් එක්ක ගුවන් ගමන්වලදී දරුවන්ගේ හැසිරීම සහ දෙමාපියන්ගේ වගකීම ගැන ලොකු කතාබහක් ඇතිවෙලා තියෙනවා. ගුවන් සේවා විශේෂඥයන් කියන්නේ, ගුවන් යානයක් ගුවන් ගත වන විට හෝ ගොඩබස්සන විට දරුවෙක් සීට් බෙල්ට් එක නොපැළඳ සිටීම ඉතා අනතුරුදායක බවයි. යම් හෙයකින් යානය කම්පනයකට ලක් වුණොත්, මෙහෙම දරුවෙක් යානය ඇතුළේ විසිවෙලා බරපතළ අනතුරු සිද්ධ වෙන්න පුළුවන්. සමහර මගීන් කියන්නේ දරුවා හිතාමතා කරදර කළාට වඩා බියට පත්ව සිටි බවයි. කොහොම වුණත්, ගුවන් යානයක ආරක්ෂාව වෙනුවෙන් ගත් මේ තීරණය ගැන සමාජ මාධ්ය ඔස්සේ විවිධ මත පළවෙනවා. සමහරු කියන්නේ දෙමාපියන් දරුවන්ව පාලනය කරගන්න ඕනේ කියලයි, තවත් පිරිසක් කියන්නේ ගුවන් සේවාවන් මෙවැනි අවස්ථාවලදී මීට වඩා ඉවසීමෙන් කටයුතු කරන්න ඕනේ කියලයි.

Discussion & Feedback