දැනට ලෝකය පුරාම කෘත්රිම බුද්ධිය හෙවත් AI තාක්ෂණය වෙනුවෙන් දැවැන්ත ආයෝජනයක් සිදුවෙනවා. Sequoia ආයතනයේ හවුල්කරුවෙක් වන ඩේවිඩ් කාන් පවසන විදිහට, 2026 වසර වන විට AI යටිතල පහසුකම් සඳහා පමණක් ඇමරිකානු ඩොලර් ට්රිලියන 1.5ක් වැය වීමට නියමිතයි. මේ දැවැන්ත වියදම පියවා ගැනීමට නම්, AI කර්මාන්තය අවම වශයෙන් ඩොලර් ට්රිලියන 3ක ආදායමක් උපයා ගත යුතු බවයි ඔහු පෙන්වා දෙන්නේ. නමුත් දැනට පවතින තත්ත්වය අනුව, OpenAI සහ Anthropic වැනි සමාගම් විශාල ආදායම් ලැබුවත්, මේ දැවැන්ත වියදම් පියවා ගැනීමට තවමත් විශාල පරතරයක් තිබෙනවා.
මේ අතර, ඇපලෝ ආයතනයේ ප්රධාන ආර්ථික විද්යාඥ ටෝස්ටන් ස්ලොක් අනතුරු අඟවන්නේ, ගූගල්, මෙටා සහ මයික්රොසොෆ්ට් වැනි සමාගම් 2028 වන විට විශාල ලාභයක් අපේක්ෂා කළත්, එය සිදු නොවුවහොත් ලෝක ආර්ථිකයටම බලපෑමක් එල්ල විය හැකි බවයි. විශේෂයෙන්ම, පරිශීලකයන් දැන් මිල අධික AI මාදිලි වෙනුවට ලාභදායී විකල්ප වෙත යොමුවීම සහ AI ටෝකනවල මිල පහළ යාම නිසා සමාගම්වල ආදායම් ඉලක්ක සපුරා ගැනීම අභියෝගයක් වෙලා තියෙනවා. මේ නිසා, AI තාක්ෂණය කෙරෙහි තබා ඇති බලාපොරොත්තු ඉටු නොවුවහොත්, එය කොටස් වෙළඳපොළේ කඩා වැටීමකට සහ ආර්ථික අවපාතයකට පවා මග පාදන්න පුළුවන් බවයි විශේෂඥයන් පවසන්නේ.

Discussion & Feedback