ස්පාඤ්ඤයේ අල්මේරියා පළාතේ බෙඩාර් ගම්මානයට පසුගියදා බලපෑ දරුණු ලැව්ගින්නෙන් බ්රිතාන්ය ජාතික මල්කම් ටිම්බ්රෙල්ගේ බිරිඳ ඇතුළු මිතුරන් දහතුන් දෙනෙකු ජීවිතක්ෂයට පත්වීම ලොවම කම්පා කරවන පුවතක් බවට පත්ව තිබෙනවා. තම නිවස දෙසට වේගයෙන් ඇදී ආ ගින්නෙන් බේරීමට උත්සාහ කිරීමේදී මල්කම්ගේ බිරිඳ ඇනට් සහ පිරිස වාහන අතහැර පයින් ගමන් කිරීමට තීරණය කර තිබුණා. නමුත් තමන් ඇති දැඩි කළ සුරතල් සතුන් බේරා ගැනීමට ආපසු නිවසට ගිය මල්කම්ට, තම බිරිඳ සහ මිතුරන් ගිනි ජාලාවට හසුවන අයුරු දෙස බලා සිටීමට සිදුවීම ඉතාමත් ශෝකජනකයි. පැයට කිලෝමීටර් විස්සකට වඩා වැඩි වේගයකින් පැතිරුණු මෙම ගින්නෙන් බේරීමට ඔවුන්ට කිසිදු අවස්ථාවක් ලැබී නැහැ.
මල්කම් තමන් සතු වාහනයක සැඟවී දිවි ගලවා ගත්තේ ඉතාමත් අසීරුවෙන්. ඔහු පවසන පරිදි, තමන් අසල තිබූ වාහන හතරක් ගින්නට හසුවී ක්ෂණිකව පිපිරී ගියත්, වාසනාවකට මෙන් ඔහු සිටි වාහනය ගින්නෙන් බේරී තිබෙනවා. වසර දාහතක් පුරා ඉතාමත් සතුටින් ජීවත් වූ තම බිරිඳ සහ මිතුරන් අහිමි වීමෙන් මල්කම් දැඩි කම්පනයකට පත්ව සිටිනවා. මෙම සිදුවීම ස්පාඤ්ඤ ඉතිහාසයේ වාර්තා වූ දරුණුතම ලැව්ගිනිවලින් එකක් ලෙස සැලකෙනවා. දැඩි සුළං තත්ත්වය සහ වියළි කාලගුණය හේතුවෙන් ගින්න පාලනය කර ගැනීමට නොහැකි වූ බවත්, මෙය කිසිවෙකුටත් වරද පැටවිය නොහැකි ස්වභාවික ව්යසනයක් බවත් ඔහු වැඩිදුරටත් පවසනවා. මේ වන විට මියගිය අය අතර බ්රිතාන්ය, ප්රංශ, බෙල්ජියම් සහ ස්පාඤ්ඤ ජාතිකයන් සිටින බව බලධාරීන් තහවුරු කර තිබෙනවා.

Discussion & Feedback