ලෝක චෙස් ඉතිහාසයේ අලුත් වාර්තාවක් තබමින්, එංගලන්තයේ හැරෝ ප්රදේශයේ පදිංචි 11 හැවිරිදි බොධනා සිවානන්දන්, ලොව ලාබාලතම කාන්තා චෙස් ග්රෑන්ඩ් මාස්ටර්වරිය (WGM) ලෙස ජාත්යන්තර චෙස් සම්මේලනය විසින් නිල වශයෙන් නම් කර තිබෙනවා. උස්බෙකිස්තානයේ සමර්කන්ඩ් නුවර පැවති 46 වන චෙස් ඔලිම්පියාඩ් තරගාවලියේදී ඇය දැක්වූ විශිෂ්ට දක්ෂතා හේතුවෙන් මෙම ගෞරවනීය නාමය ඇයට හිමි වුණා. ඇය තරග වට 11ම නියෝජනය කරමින් ලකුණු 8ක් ලබා ගත් අතර, ඒ වන විටත් ඇය අවශ්ය 2300ක ශ්රේණිගත කිරීමේ සීමාව පසු කර තිබීම විශේෂත්වයක්.
මීට පෙර මෙම වාර්තාවට හිමිකම් කීවේ වයස අවුරුදු 12දී එම නාමය දිනාගත් කැටරිනා ලැග්නෝ සහ චීනයේ හොවු යිෆාන් යන ක්රීඩිකාවන්. බොධනාගේ මෙම ජයග්රහණය චෙස් ක්රීඩාවේ නව ඉතිහාසයක් ලියන්නට සමත් වී තිබෙනවා. ඇය මෙම තරගාවලියේදී ජාත්යන්තර මාස්ටර් (IM) නාමය සඳහා අවශ්ය දෙවන සුදුසුකම ද සපුරා ගැනීමට සමත් වුණා. මේ වන විට ලොව පුරා සිටින චෙස් ක්රීඩාලෝලීන් ඇයගේ මෙම අතිවිශිෂ්ට දක්ෂතාව ගැන කතා කරන්නේ මහත් ගෞරවයකින්. ඉදිරියේදී ඇය තවත් විශාල ජයග්රහණ රැසක් අත්කර ගනු ඇතැයි බොහෝ දෙනා විශ්වාස කරනවා.

Discussion & Feedback