ප්‍රවීණ හොලිවුඩ් නළු බ්‍රැඩ් පිට් මේ දිනවල පැවැත්වෙන සැන් සෙබස්තියන් චිත්‍රපට උළෙලේදී ස්වාධීන සිනමාවේ වර්තමාන තත්ත්වය ගැන ඉතාමත් සුබවාදී අදහස් කිහිපයක් බෙදාගෙන තියෙනවා. ඔහු කියන විදිහට අද වෙනකොට ස්වාධීන සිනමාව 90 දශකයේ තිබුණාටත් වඩා ශක්තිමත් මට්ටමක තියෙනවා. විශේෂයෙන්ම ස්ට්‍රීමින් සේවාවන් නිසා නළු නිළියන්ට, අධ්‍යක්ෂවරුන්ට සහ තිර රචකයන්ට අලුත් අවස්ථා රැසක් ලැබිලා තියෙනවා. මේ නිසාම අතිශය රසවත් සහ වෙනස්ම ආකාරයේ කතාන්දර ප්‍රේක්ෂකයන් අතරට ගෙන යන්න අද පහසු වෙලා තියෙනවා කියලා තමයි ඔහු පවසන්නේ.
කෙසේ වෙතත්, මධ්‍යම ප්‍රමාණයේ අයවැයක් සහිත චිත්‍රපට නිෂ්පාදනය කිරීමේදී පවතින අභියෝග ගැනත් ඔහු මෙහිදී අවධාරණය කළා. අද වන විට චිත්‍රපට නිෂ්පාදන වියදම් අධික නිසා, විශාල අයවැයක් සහිත චිත්‍රපට හැරුණු විට මධ්‍යම ප්‍රමාණයේ චිත්‍රපට සඳහා වෙළඳපොළේ ඉඩක් වෙන් කර ගැනීම තරමක් අපහසු වී තිබෙනවා. තමන් වැඩිපුරම දායක වෙන්නේ එවැනි චිත්‍රපටවලට නිසා, ඉදිරියේදීත් ඒ සඳහා අවකාශයක් ලැබෙනු ඇතැයි ඔහු බලාපොරොත්තු වෙනවා.
මේ අතර, බ්‍රැඩ් පිට් රංගනයෙන් දායක වන ඔහුගේ නවතම චිත්‍රපටය වන ‘Heart of the Beast’ ද මෙම උළෙලේදී තිරගත වීමට නියමිතයි. ඩේවිඩ් අයර් අධ්‍යක්ෂණය කරන මෙම චිත්‍රපටයේ පිට් සමඟ විශ්‍රාමික යුද සුනඛයෙකු ඇලස්කාවේ වනාන්තරයක දිවි ගලවා ගැනීමට කරන අරගලය ගැන කියැවෙනවා. ‘Fury’ චිත්‍රපටයෙන් පසුව ඔවුන් දෙදෙනා නැවතත් එකතු වන මෙම සිනමා නිර්මාණය සැප්තැම්බර් 25 වැනිදා ප්‍රේක්ෂකයන්ට දැක බලා ගන්න පුළුවන්.
Discussion & Feedback