මෑතකදී චීනයේදී අසරණ බලු මවක් සහ ඇගේ පැටවුන් පිරිසක් කුඩා ළමුන් පිරිසක් විසින් ඉතා අමානුෂික ලෙස ඝාතනය කිරීමේ සිදුවීමක් සමාජ මාධ්ය ඔස්සේ ලොව පුරා දැඩි කතාබහකට ලක්වුණා. මෙම සිදුවීම සම්බන්ධයෙන් චීන බලධාරීන් අදාළ වීඩියෝ දර්ශන සහ ඒ පිළිබඳ අදහස් දැක්වීම් වාරණය කිරීමට පියවර ගත්තත්, සත්ව ලෝලීන් ඊට එරෙහිව දැඩි විරෝධයක් එල්ල කරමින් සිටිනවා. විශේෂයෙන්ම චීනයේ සතුන්ට එරෙහි හිංසනය වැළැක්වීම සඳහා නිසි නීති පද්ධතියක් නොමැති වීම මෙම විරෝධතා තවදුරටත් උත්සන්න වීමට ප්රධාන හේතුවක් වෙලා තියෙනවා.
චීන බලධාරීන් මෙම සිදුවීමට සම්බන්ධ ළමුන්ගේ වයස සහ ඔවුන්ගේ ආරක්ෂාව ගැන පවසමින් තොරතුරු වසන් කිරීමට උත්සාහ කළත්, ජනතාව එය පිළිගැනීමට සූදානම් නැහැ. මේ වන විට චීන වැසියන් තම රට තුළ හඬක් නැගීමට ඇති බාධා මධ්යයේ, විදේශ රටවල සිටින ක්රියාකාරීන්ගේ සහාය ඇතිව නිව්යෝර්ක් වැනි නගරවල පවා දැන්වීම් පුවරු ප්රදර්ශනය කරමින් සතුන් වෙනුවෙන් යුක්තිය ඉල්ලා සිටිනවා. සතුන්ට සිදුවන මෙවැනි අමානුෂික ක්රියාවන් නතර කිරීමටත්, ඒ සඳහා දැඩි නීති සම්පාදනය කිරීමටත් බලධාරීන් කඩිනමින් පියවර ගත යුතු බවයි ඔවුන් අවධාරණය කරන්නේ. සමාජ මාධ්ය ඔස්සේ වාරණයන් පැවතියද, සතුන් වෙනුවෙන් පෙනී සිටින පිරිසගේ මෙම අරගලය දිනෙන් දින ශක්තිමත් වෙමින් පවතින බව පෙනෙන්නට තියෙනවා.

Discussion & Feedback