ඇමරිකාවේ හිටපු ජනාධිපති ජෝ බයිඩන් පසුගියදා පැවති ඩිමොක්රටික් පක්ෂයේ අරමුදල් රැස් කිරීමේ උත්සවයකදී වත්මන් ජනාධිපති ඩොනල්ඩ් ට්රම්ප්ව දැඩි ලෙස විවේචනය කර තිබෙනවා. ට්රම්ප්ගේ විවිධ ව්යාපෘති ‘අහංකාර වැඩ’ ලෙස හඳුන්වමින් බයිඩන් ඔහුව ‘පරාජිතයෙක්’ ලෙසයි ප්රසිද්ධියේම විවේචනය කළේ. විශේෂයෙන්ම ධවල මන්දිරයේ නැගෙනහිර කොටස කඩා දමා එහි විශාල උත්සව ශාලාවක් ඉදිකිරීමට ට්රම්ප් දරන උත්සාහය සහ කෙනඩි මධ්යස්ථානයේ තම නම ප්රදර්ශනය කිරීමට උත්සාහ කිරීම වැනි කරුණු බයිඩන් මෙහිදී දැඩි ලෙස විවේචනයට ලක් කළා.
මීට අමතරව, ලින්කන් අනුස්මරණ පොකුණ ප්රතිසංස්කරණය කිරීමේදී සිදුවූ අක්රමිකතා සහ 2021 වසරේ කැපිටල් ගොඩනැගිල්ලට පහර දුන් පිරිසට රජයේ මුදල් ලබා දීමට ට්රම්ප් උත්සාහ කිරීම ගැනත් බයිඩන් සිය කෝපය පළ කළා. ට්රම්ප්ගේ මෙම ක්රියාකලාපය බදු ගෙවන ජනතාවගේ මුදල් අපතේ යැවීමක් බවයි ඔහු පෙන්වා දෙන්නේ. කෙසේ වෙතත්, ට්රම්ප් මේ සම්බන්ධයෙන් සෘජු පිළිතුරක් ලබා දී නොමැති අතර, ඔහු මීට පෙර බයිඩන්ව ‘දූෂිත දේශපාලනඥයෙක්’ ලෙස හඳුන්වා තිබුණා.
බයිඩන්ගේ මෙම ප්රකාශය බොහෝ දෙනාගේ අවධානයට ලක්ව ඇත්තේ, ඔහු සහ ට්රම්ප් අතර පවතින දේශපාලන ගැටුම තවදුරටත් උග්ර වෙමින් පවතින පසුබිමකයි. 2024 ජනාධිපතිවරණයට පෙර පැවති විවාදයකදී බයිඩන්ගේ දක්ෂතාවය පිළිබඳව මතභේද ඇති වූ අතර, ඉන්පසු කමලා හැරිස් තරගයට පිවිසීමත් සමඟ දේශපාලන කරළිය වෙනස් වුණා. කෙසේ වෙතත්, බයිඩන්ගේ මෙම නවතම ප්රහාරය ඇමරිකානු දේශපාලනයේ තවත් උණුසුම් මාතෘකාවක් බවට පත්ව තිබෙනවා.

Discussion & Feedback