බීබීසී ආයතනය විසින් ලොව පුරා අතිශය ජනප්රිය වූ ‘ප්ලේ ස්කූල්’ (Play School) ළමා වැඩසටහන නැවතත් අලුත් මුහුණුවරකින් ප්රේක්ෂකයන් අතරට ගෙන ඒමට සූදානම් වෙනවා. 1964 වසරේදී ආරම්භ වී 1988 දක්වා විකාශය වූ මෙම වැඩසටහන, වර්තමාන දරුවන්ගේ අවශ්යතාවන්ට ගැලපෙන පරිදි නවීකරණය කරමින් 2027 හෝ 2028 වසරේදී නැවත විකාශය කිරීමට නියමිතයි. මුල් වැඩසටහනේ තිබූ කතන්දර, ගීත සහ නිර්මාණාත්මක අංගයන් එලෙසම පවත්වා ගනිමින්, අලුත් පරපුරට ගැලපෙන අයුරින් මෙය නිෂ්පාදනය කිරීමට බීබීසී ආයතනය පියවර ගෙන තිබෙනවා.
මෙම වැඩසටහන රූපවාහිනියට පමණක් සීමා නොවී, දෙමාපියන් වෙනුවෙන්ම වෙන් වූ ‘CBeebies Parenting’ යූටියුබ් නාලිකාව හරහා ද විවිධ අත්දැකීම් සහ උපදෙස් ලබා දීමට බලාපොරොත්තු වෙනවා. දරුවන්ගේ අධ්යාපනය සහ මානසික සුවතාවය වෙනුවෙන් බීබීසී ආයතනය ආරම්භ කර ඇති නව වැඩපිළිවෙලක කොටසක් ලෙස මෙය හඳුන්වන්න පුළුවන්. ජෝයි විට්බි විසින් නිර්මාණය කළ මෙම වැඩසටහන දශක ගණනාවක් පුරා ලොව පුරා දරුවන්ගේ ආදරය දිනාගත් විශිෂ්ට නිර්මාණයක්. ඉතින්, නැවතත් මේ අපූරු වැඩසටහන දකින්න ලැබීම ගැන බොහෝ දෙනෙක් මේ වන විටත් විශාල උනන්දුවකින් පසුවෙනවා.

Discussion & Feedback