බහරේන් රාජ්යයට අයත් භූමිය ඉලක්ක කරගෙන ඉරානය විසින් ඩ්රෝන ප්රහාරයක් එල්ල කර ඇති බවට එරට විදේශ අමාත්යාංශය බරපතළ චෝදනාවක් එල්ල කර තිබෙනවා. පසුගිය සෙනසුරාදා නිකුත් කළ නිවේදනයක දැක්වෙන්නේ, අලුයම් කාලයේදී ඉරානයට අයත් ඩ්රෝන යානා කිහිපයක් බහරේන් දේශසීමාව තුළට කඩා වැදී ඇති බවයි. මෙය තම රටේ ස්වෛරීභාවයට සහ ජාත්යන්තර නීතිවලට එරෙහිව සිදු කළ බරපතළ උල්ලංඝනයක් බවයි ඔවුන් වැඩිදුරටත් පවසන්නේ. කෙසේ වෙතත්, මෙම ප්රහාරය එල්ල වූ නිශ්චිත ස්ථානය හෝ ඉලක්කය පිළිබඳව මෙතෙක් කිසිදු තොරතුරක් හෙළි කර නැහැ.
මෙම සිදුවීම සම්බන්ධයෙන් බහරේන් බලධාරීන් දැඩි කනස්සල්ල පළ කර තිබෙනවා. ඔවුන් පවසන පරිදි, මෙවැනි ක්රියාකාරකම් සාමාන්ය සිවිල් වැසියන්ගේ ආරක්ෂාවට දැඩි තර්ජනයක් වන අතරම, කලාපය තුළ පවතින උණුසුම්කාරී වාතාවරණය සමනය කිරීමට දරන උත්සාහයන්ට ද විශාල බාධාවක් වෙනවා. මෙම ප්රහාරය නිසා කලාපයේ දේශපාලන ස්ථාවරත්වය තවදුරටත් අස්ථාවර විය හැකි බවටයි විචාරකයින් පෙන්වා දෙන්නේ.
මේ අතර, බහරේන් රාජ්යය එල්ල කළ මෙම චෝදනා සම්බන්ධයෙන් ඉරානය මෙතෙක් කිසිදු නිල ප්රතිචාරයක් දක්වා නැහැ. කලාපයේ රටවල් අතර පවතින රාජ්ය තාන්ත්රික ගැටුම් මධ්යයේ සිදුවූ මෙම නවතම සිදුවීම ජාත්යන්තර අවධානයට ලක්ව තිබෙනවා. ඉදිරියේදී මේ සම්බන්ධයෙන් දෙරටේම පාර් පාර්ම පාර්ශ්වයන්ගෙන් ලැබෙන තොරතුරු මත කලාපයේ ඉදිරි ගමන් මග තීරණය වනු ඇති.

Discussion & Feedback