මාර්වල් සිනමා ලෝලීන් බොහෝ කාලයක් තිස්සේ බලාගෙන හිටපු ‘ඇවෙන්ජර්ස්: ඩූම්ස්ඩේ’ චිත්‍රපටය ගැන අලුත්ම ආරංචියක් ඇවිත් තියෙනවා. මේ චිත්‍රපටයේ ප්‍රවේශපත්‍ර අලෙවිය ආරම්භ කරලා පැය 24ක් යන්නත් කලින්ම පෙර විකුණුම් වාර්තා සියල්ලම අලුත් කරන්න මේ චිත්‍රපටයට පුළුවන් වෙලා තියෙනවා. වාර්තා වෙන විදිහට, ඇමරිකාවේ තියටර් දාහක පමණ ප්‍රමාණයක ප්‍රිමියම් ආකෘතිවලින් විතරක් ඩොලර් මිලියන 16.5ක ආදායමක් ලබාගන්න ඔවුන්ට හැකි වෙලා තියෙනවා. මේක ඇත්තටම මාර්වල් රසිකයන්ගේ තියෙන උනන්දුව කොච්චරද කියන එකට හොඳම සාක්ෂියක්.
මේ චිත්‍රපටය ගැන කතා කරද්දී තවත් විශේෂ දෙයක් තියෙනවා. ‘ඩූන්: පාට් ත්‍රී’ චිත්‍රපටය නිසා පළමු සති තුන ඇතුළත මේ චිත්‍රපටය IMAX තිරවල ප්‍රදර්ශනය වෙන්නේ නැහැ. ඒ වුණත්, ඒ දේ මේ චිත්‍රපටයේ ජනප්‍රියත්වයට කිසිම බාධාවක් වෙලා නැහැ කියලයි පේන්න තියෙන්නේ. මාර්වල් ස්ටූඩියෝස් විසින් මෑතකදී මේ චිත්‍රපටයේ පළමු ට්‍රේලරය නිකුත් කිරීමත් එක්ක රසිකයන් අතර ලොකු උද්යෝගයක් ඇති වුණා. කොහොම වුණත්, මේ වසරේ දෙසැම්බර් 18 වෙනිදා ලොව පුරා සිනමාහල්වලදී අපිට මේ දැවැන්ත නිර්මාණය නැරඹීමේ අවස්ථාව ලැබෙනවා. ඇවෙන්ජර්ස් කණ්ඩායමේ නැවත පැමිණීම කොහොම වෙයිද කියලා බලන්න හැමෝම වගේ හරිම ආසාවෙන් ඉන්නේ.
Discussion & Feedback