අයර්ලන්තයේ ආරම්භ වුණු ‘මන්නා ඒරෝ’ (Manna Aero) කියන ස්වයංක්රීය ඩ්රෝන යානා තාක්ෂණික සමාගම දැන් තමන්ගේ ව්යාපාරික කටයුතු ඇමරිකාව පුරා විශාල ලෙස ව්යාප්ත කරන්න සූදානම් වෙනවා. මේ සඳහා ඔවුන් ඇමරිකාවේ ඔක්ලහෝමා ප්රාන්තයේ ටල්සා නුවර නව නිෂ්පාදන මධ්යස්ථානයක් ආරම්භ කරන අතර, ඒ හරහා ඉදිරි වසර කිහිපය තුළ රැකියා දහසක් පමණ බිහි කිරීමට ඔවුන් බලාපොරොත්තු වෙනවා. මෑතකදී ලැබුණු ඩොලර් මිලියන 50ක ආයෝජනයත් එක්ක, ඇමසන් සහ ගූගල් වින්ග් වැනි දැවැන්ත සමාගම් සමඟ තරඟ කිරීමට මන්නා සමාගම මේ වන විටත් සූදානම් වෙමින් ඉන්නවා.
ඇමරිකාවේ පවතින හිතකර නියාමන ප්රතිපත්ති සහ වෙළඳපොළේ ඇති ඉහළ ඉල්ලුම නිසා තමයි ඔවුන් මේ තීරණය අරගෙන තියෙන්නේ. මන්නා සමාගම භාවිතා කරන්නේ ඩ්රෝන යානය පහළට නොබැස, ලණුවක් ආධාරයෙන් භාණ්ඩ බිමට හෙළන නවීන තාක්ෂණයක්. දැනටමත් ටෙක්සාස් ප්රාන්තයේ සාර්ථකව ක්රියාත්මක වන ඔවුන්, ඉදිරි වසර කිහිපය තුළ තවත් ඇමරිකානු නගර හයකට තම සේවාව ව්යාප්ත කිරීමට සැලසුම් කරලා තියෙනවා. අයර්ලන්තයේ තිබූ මෙහෙයුම් නතර කරලා, සම්පූර්ණ අවධානයම ඇමරිකානු වෙළඳපොළ වෙත යොමු කිරීමට ඔවුන් තීරණය කර තිබීම විශේෂත්වයක්.
මේ ව්යාපෘතිය හරහා Uber Eats සහ DoorDash වැනි සමාගම් සමඟ එක්වී පාරිභෝගිකයන්ට ඉතා වේගයෙන් භාණ්ඩ බෙදාහැරීමේ පහසුකම ලබා දෙන්න ඔවුන් බලාපොරොත්තු වෙනවා. සමාගමේ ප්රධාන විධායක නිලධාරී බොබී හීලි පවසන විදිහට, ඇමරිකාවේ පවතින ව්යාපාරික පරිසරය ඩ්රෝන තාක්ෂණයේ දියුණුවට ලොකු රුකුලක් වෙලා තියෙනවා. ඒ වගේම, රයන් එයාර් සමාගමේ හිටපු ප්රධානියෙක් වන කෙනී ජේකබ්ස්ව ඔවුන්ගේ විධායක සභාපතිවරයා ලෙස පත් කරගෙන තිබීමෙන් පෙනී යන්නේ ඔවුන් මේ ව්යාපාරය ඉතා ඉහළ මට්ටමකට ගෙන යාමට සූදානම් බවයි.

Discussion & Feedback