කෘත්රිම බුද්ධි ආකෘති පුහුණු කිරීම සඳහා ප්රකාශන හිමිකම් සහිත පොත් භාවිත කිරීම සම්බන්ධයෙන් ඇන්ත්රොපික් (Anthropic) සමාගම ගෙවීමට නියමිත ඩොලර් බිලියන 1.5ක වන්දි මුදල මේ දිනවල ලේඛකයන් අතර ලොකු කතාබහකට ලක්වෙලා. මේ වන්දි මුදල ලැබෙන අවස්ථාවේදී තමන්ට අයිති විය යුතු මුදල ප්රකාශකයන් සහ සාහිත්ය නියෝජිතයන් විසින් අසාධාරණ ලෙස ලබා ගැනීමට උත්සාහ කරන බවට ලේඛකයන් චෝදනා කරනවා. විශේෂයෙන්ම, තමන්ට අයිතිය නැති පොත් සඳහා පවා ප්රකාශකයන් හිමිකම් පෑම සහ ලැබිය යුතු මුදලින් වැඩි කොටසක් ඔවුන් ලබා ගැනීමට උත්සාහ කිරීම ලේඛකයන්ගේ දැඩි අප්රසාදයට හේතු වෙලා තියෙනවා.
මේ සම්බන්ධයෙන් අදහස් දක්වන විශේෂඥයන් පවසන්නේ මෙය හිතාමතා කරන දෙයකට වඩා ප්රකාශන ආයතනවල පවතින දුර්වල වාර්තා තබා ගැනීමේ ක්රමවේද නිසා සිදුවන දෝෂයක් විය හැකි බවයි. කෙසේ වෙතත්, ලේඛකයන් පවසන්නේ මේ ගැටලුව ඉතා පුළුල් සහ ක්රමවත් එකක් බවයි. සාමාන්යයෙන් පොතක් ප්රකාශකයා සමඟ තිබේ නම් මුදල 50-50 ලෙස බෙදී යා යුතු වුවත්, අයිතිය නැවත ලේඛකයාට ලැබුණු පොත් සඳහා සම්පූර්ණ මුදලම ලේඛකයාට හිමි විය යුතුයි. නමුත් ඇතැම් නියෝජිතයන් පවා මේ මුදලින් කොටසක් ඉල්ලා සිටීම ලේඛකයන්ගේ දැඩි විරෝධයට ලක්වෙලා තියෙනවා. මේ නිසා තමන්ට ලැබිය යුතු නිවැරදි වන්දි මුදල ලබා ගැනීමට ලේඛකයන්ට මේ වන විටත් විරෝධතා ගොනු කිරීමට සිදුවෙලා තියෙනවා.
Discussion & Feedback