ඕස්ට්රේලියාවේ ඊ-ආරක්ෂක කොමසාරිස් ජුලී ඉන්මන් ග්රාන්ට් විසින් ටෙලිග්රෑම් සමාගමට එරෙහිව නීතිමය පියවර ගෙන තිබෙනවා. ඒ, එම වේදිකාව තුළ පවතින ත්රස්තවාදී ක්රියාකාරකම් දිරිමත් කරන වීඩියෝ සහ අන්තර්ගතයන් ඉවත් කිරීමට අපොහොසත් වීම නිසයි. විශේෂයෙන්ම ක්රයිස්චර්ච් වෙඩි තැබීමේ සිදුවීම වැනි අන්තවාදී ප්රචණ්ඩ ක්රියා සම්බන්ධ වීඩියෝ දර්ශන තවමත් එම වේදිකාවේ තිබීම බරපතල ගැටලුවක් බව ඇය පවසනවා. මේ නිසා ටෙලිග්රෑම් සමාගමට ඕස්ට්රේලියානු ඩොලර් මිලියන 54.6ක පමණ දැවැන්ත දඩ මුදලක් නියම වීමේ අවදානමක් පවතිනවා.
පසුගිය මාර්තු මාසයේ සිට මේ සම්බන්ධයෙන් ටෙලිග්රෑම් සමාගම සමඟ සාකච්ඡා කිරීමට උත්සාහ කළත්, ඔවුන්ගෙන් නිසි ප්රතිචාරයක් නොලැබුණු බවයි කොමසාරිස්වරිය සඳහන් කරන්නේ. ටෙලිග්රෑම් වේදිකාව අන්තවාදී අදහස් ප්රචාරය කිරීමට සහ ප්රහාර සැලසුම් කිරීමට පවා භාවිතා වන බවට චෝදනා එල්ල වෙනවා. කෙසේ වෙතත්, තමන් ත්රස්තවාදයට එරෙහිව දැඩි පියවර ගන්නා බවත්, මෙම චෝදනා අධිකරණයේදී ප්රතික්ෂේප කරන බවත් ටෙලිග්රෑම් සමාගම පවසනවා. මීට පෙරද ළමා අපචාර සහ අන්තවාදී අන්තර්ගතයන් සම්බන්ධයෙන් ප්රශ්න කිරීම්වලට නිසි පිළිතුරු නොදීම නිසා ටෙලිග්රෑම් සමාගමට දඩ මුදල් ගෙවීමට සිදුවුණා. ඕස්ට්රේලියානු බලධාරීන් පවසන්නේ කිසිදු සමාජ මාධ්ය වේදිකාවක් නීතියට ඉහළින් නොමැති බවයි.

Discussion & Feedback