ASUS සමාගම විසින් ශ්රී ලංකාවේ ව්යාපාරික නායකයින් සහ වෘත්තිකයන් ඉලක්ක කර ගනිමින් අති නවීන AI තාක්ෂණයෙන් බලගැන්වෙන ‘ExpertBook Ultra’ ලැප්ටොප් පරිගණකය වෙළඳපොළට හඳුන්වා දී තිබෙනවා. මෙය හුදෙක් පරිගණකයක් පමණක් නොව, ව්යාපාරික කටයුතු වඩාත් කාර්යක්ෂම සහ පහසු කරන ‘Copilot+ PC’ එකක් ලෙස හඳුන්වා දෙන්න පුළුවන්. අභ්යවකාශ තාක්ෂණයේදී භාවිත කරන විශේෂිත මැග්නීසියම්-ඇලුමිනියම් මිශ්ර ලෝහයකින් නිමවා ඇති මෙය, ඉතා සැහැල්ලු මෙන්ම අතිශය ශක්තිමත් බවින් යුක්තයි. බරින් කිලෝග්රෑම් එකකටත් වඩා අඩු මෙම ලැප්ටොප් පරිගණකය, ව්යාපාරික ගමන් බිමන්වලදී ඕනෑම තැනක පහසුවෙන් රැගෙන යාමට ඉතා සුදුසුයි.
මෙම නවතම ExpertBook Ultra පරිගණකය Intel Core Ultra Series 3 ප්රොසෙසරයකින් සහ බලගතු AI හැකියාවන්ගෙන් සමන්විත වෙනවා. මෙහි ඇති 3K 120Hz OLED තිරය සහ Dolby Atmos ශබ්ද පද්ධතිය මගින් පරිශීලකයාට ඉතා ඉහළ මට්ටමේ දෘශ්ය සහ ශ්රව්ය අත්දැකීමක් ලබා දෙනවා. මීට අමතරව, ASUS විසින් ExpertBook B සහ P ශ්රේණිවල නව මාදිලි ද හඳුන්වා දී ඇති අතර, මේ සියල්ලම ‘Worry-Free Business Experience’ යටතේ ඉහළම ආරක්ෂාව සහ සේවාවන් ලබා දීමට කැපවී සිටිනවා. ව්යාපාරික ලෝකයේ අභියෝග ජය ගැනීමට අවශ්ය සියලුම නවීන තාක්ෂණික පහසුකම් සහ ආරක්ෂිත අංගයන්ගෙන් මෙම ලැප්ටොප් පෙළ සමන්විත වීම විශේෂත්වයක්.

Discussion & Feedback