අභ්‍යවකාශ විද්‍යාඥයින් පිරිසක් පෘථිවියේ සිට ආලෝක වර්ෂ 335ක් දුරින් පිහිටි අතිශය උණුසුම් ජලයෙන් පිරුණු අමුතුම ග්‍රහලෝකයක් සොයාගෙන තියෙනවා. HD 176071 b ලෙස නම් කර ඇති මෙම ග්‍රහලෝකය පෘථිවිය මෙන් දෙගුණයකට වඩා විශාල වන අතර, එහි ස්කන්ධයෙන් අඩක්ම ජලය බවයි විද්‍යාඥයින් පවසන්නේ. මෙය තමන්ගේ මව් තාරකාව වටා ඉතාම කෙටි කාලයකින්, එනම් පැය 14කින් පමණ වටයක් ගමන් කරනවා. තාරකාවට ඉතාම ආසන්නයෙන් පිහිටා තිබීම නිසා මෙම ග්‍රහලෝකය දරුණු ගුරුත්වාකර්ෂණ බලපෑම්වලට ලක්වෙමින් පවතින අතර, අවසානයේදී එම තාරකාව විසින්ම මෙම ග්‍රහලෝකය ගිලගනු ඇති බවටයි අනාවැකි පළවෙන්නේ.
විශේෂම කාරණය තමයි, සාමාන්‍යයෙන් මෙවැනි ග්‍රහලෝක තාරකාවලින් නිකුත් වන අධික විකිරණ නිසා වායුගෝලය අහිමි වී කුඩා වී යනවා. නමුත් මෙම ග්‍රහලෝකය එම නීතිය බිඳ දමමින් තවමත් ඉතා ක්‍රියාකාරී වායුගෝලයක් පවත්වාගෙන යනවා. එහි ඇති ඝන වලාකුළු ආලෝකය පරාවර්තනය කරන ආකාරය නිරීක්ෂණය කිරීමෙන් විද්‍යාඥයින්ට මෙය තහවුරු කරගන්න පුළුවන් වුණා. සාමාන්‍යයෙන් ග්‍රහලෝක සොයාගන්නා ‘ට්‍රාන්සිට්’ ක්‍රමයට වඩා වෙනස්ව, තාරකාවේ ආලෝකය ග්‍රහලෝකය මත වැදී පරාවර්තනය වන ආකාරය අධ්‍යයනය කරමින් ඉතා අපහසුවෙන් තමයි පර්යේෂකයන් මෙම සොයාගැනීම සිදුකර තිබෙන්නේ. අභ්‍යවකාශයේ සැඟවී ඇති තවත් බොහෝ රහස් පිළිබඳව දැනගන්න ලැබෙන මෙවැනි සොයාගැනීම් ඇත්තටම ඉතාමත් විස්මිතයි.
Discussion & Feedback