ලොව පුරා සිනමා ලෝලීන්ගේ ආකර්ෂණය දිනාගත් ‘ටර්මිනේටර් 2: ජජ්මන්ට් ඩේ’ චිත්‍රපටය තිරගත වී මේ වන විට වසර 35ක් ගතවී තිබෙනවා. ජේම්ස් කැමරන්ගේ අධ්‍යක්ෂණයෙන් බිහිවූ මුල් චිත්‍රපට දෙක සිනමා ඉතිහාසයේ අමරණීය නිර්මාණ බවට පත්වුණත්, ඉන්පසුව පැමිණි අනුප්‍රාප්තික චිත්‍රපට කිසිවක් එම සාර්ථකත්වය ළඟා කර ගැනීමට සමත් වුණේ නැහැ. කාලය හරහා ගමන් කිරීමේ තේමාව ඔස්සේ ගොඩනැගුණු මෙම කතා මාලාව, මුල් චිත්‍රපට දෙකෙන් පසුව අවසන් කළ යුතුව තිබූ බව බොහෝ දෙනාගේ මතයයි.
2003 වසරේ පැමිණි ‘ටර්මිනේටර් 3’ සිට මෑතකදී නිකුත් වූ ‘ඩාර්ක් ෆේට්’ දක්වාම විවිධ උත්සාහයන් ගත්තත්, ඒ කිසිවකින් ප්‍රේක්ෂකයන් බලාපොරොත්තු වූ අලුත් දෙයක් දකින්න ලැබුණේ නැහැ. විශේෂයෙන්ම ජෝන් කොනර්ගේ චරිතය සම්බන්ධයෙන් ගත් ඇතැම් තීරණ සහ කතා පුවතේ ඇති දුර්වලතා නිසා මෙම ෆ්‍රැන්චයිස් එකේ ගුණාත්මකභාවය සීඝ්‍රයෙන් පහළ ගියා. මෑතකදී නෙට්ෆ්ලික්ස් හරහා පැමිණි ‘ටර්මිනේටර් සීරෝ’ ඇනිමෙ කතා මාලාව යම් වෙනසක් කිරීමට උත්සාහ කළත්, එයද සාර්ථක වුණේ නැහැ. මේ සියල්ල දෙස බලන විට, ටර්මිනේටර් කතා මාලාව තවදුරටත් ඇදගෙන යාම වෙනුවට එය එතැනින් නවතා දැමීම වඩාත් සුදුසු බවයි සිනමා විචාරකයන් පෙන්වා දෙන්නේ.
Discussion & Feedback