ඇපල් සමාගම යුරෝපා සංගමයේ රෙගුලාසිවලට අනුකූලව තම ඇප් ස්ටෝර් ගාස්තු ව්යුහය සහ නීති රීති මෑතකදී විශාල ලෙස වෙනස් කර තිබෙනවා. මීට පෙර පැවති සංකීර්ණ ගාස්තු ක්රමය වෙනුවට, ඇපල් ස්ටෝර් එකෙන් පිටත බෙදාහරින ඇප් සඳහා 5%ක ස්ථාවර කොමිස් මුදලක් අය කිරීමට ඔවුන් තීරණය කරලා තියෙනවා. යුරෝපා කොමිසම සමඟ පැවති දීර්ඝකාලීන ගැටුම් නිරාකරණය කර ගැනීම සඳහා ඇපල් සමාගම ගත් මෙම පියවර බොහෝ දෙනාගේ අවධානයට ලක්වෙලා තියෙනවා. මේ හරහා ඇප් සංවර්ධකයන්ට තමන්ගේම ඇප් වෙළඳසැල් පවත්වාගෙන යාම මීට පෙරට වඩා පහසු කර තිබීම විශේෂත්වයක්.
මීට අමතරව, ඇපල් සමාගම තම ඇප් තුළ සිදුවන ගනුදෙනු සඳහා අය කරන ගාස්තු ද සංශෝධනය කර තිබෙනවා. සාමාන්යයෙන් අය කරන 30%ක ගාස්තුව 26% දක්වා අඩු කර ඇති අතර, කුඩා ව්යාපාර සහ විශේෂ වැඩසටහන් යටතේ ලියාපදිංචි වී සිටින සංවර්ධකයන්ට 15%ක හෝ 10%ක වැනි අඩු ගාස්තු යටතේ කටයුතු කිරීමට අවස්ථාව ලැබෙනවා. ඒ වගේම, විකල්ප ඇප් වෙළඳසැල් ආරම්භ කිරීම සඳහා මීට පෙර තිබූ දැඩි මූල්යමය සහ අත්දැකීම් පිළිබඳ කොන්දේසි ද දැන් ලිහිල් කර තිබෙනවා. කෙසේ වෙතත්, ළමයින් සඳහා වන ඇප් සම්බන්ධයෙන් ආරක්ෂක පියවරයන් තවදුරටත් දැඩිව ක්රියාත්මක කිරීමටත්, වයස අවුරුදු 18ට අඩු පරිශීලකයන්ට මිලදී ගැනීම් සඳහා දෙමාපියන්ගේ අනුමැතිය අනිවාර්ය කිරීමටත් ඇපල් සමාගම කටයුතු කර තිබෙනවා.

Discussion & Feedback