ඇපල් සමාගම ලබන වසරේ මුල් භාගයේදී අලුත්ම iPad Pro මාදිලි හතරක් සහ නවතම MacBook Pro පරිගණකයක් වෙළඳපොළට නිකුත් කිරීමට සූදානම් වන බවට තොරතුරු වාර්තා වෙනවා. බ්ලූම්බර්ග් වාර්තා කරන විදිහට, මේ අලුත් ටැබ්ලට් පරිගණකවල වඩාත් වේගවත් චිප්සෙට් එකක් අන්තර්ගත වෙනවා. ඒ වගේම ‘K104’ යන කේත නාමයෙන් හඳුන්වන නවතම MacBook Pro එකක් ගැනත් ඔවුන් වැඩ කරමින් ඉන්නවා. විශේෂයෙන්ම ඇපල් සමාගම තමන්ගේ පළමු M7 ප්රොසෙසරයත් මේ කාලසීමාව තුළදීම එළිදක්වන්න බලාපොරොත්තු වෙන බවයි ආරංචි වෙන්නේ.
පසුගිය කාලයේදී ඇපල් නිෂ්පාදනවල මිල ගණන් සැලකිය යුතු ලෙස ඉහළ යාම නිසා පාරිභෝගිකයන් යම් අපහසුතාවයකට පත් වුණා. විශේෂයෙන්ම MacBook Pro එකක මිල ඩොලර් 1699 සිට 1999 දක්වා ඉහළ යාම ගැන බොහෝ දෙනෙක් කතා වුණා. ඒ නිසාම මේ අලුත් නිෂ්පාදන අතර මිලෙන් අඩු, සාමාන්ය පාරිභෝගිකයාට පහසුවෙන් මිලදී ගන්න පුළුවන් මාදිලි කිහිපයක් තිබේවි කියලා තාක්ෂණික ලෝකයේ ලොකු බලාපොරොත්තුවක් තියෙනවා. ඇපල් සමාගමේ ප්රධාන විධායක නිලධාරී ටිම් කුක්ගෙන් පසුව එන යුගය වෙනුවෙන් ඔවුන් මේ වන විටත් විවිධ නව නිපැයුම් අත්හදා බලමින් ඉන්න බවත් වාර්තා වෙනවා. කෙසේ වෙතත්, මේ පිළිබඳව ඇපල් සමාගම තවමත් නිල වශයෙන් කිසිවක් ප්රකාශ කරලා නැහැ.

Discussion & Feedback