කෘත්රිම බුද්ධි තාක්ෂණ ක්ෂේත්රයේ ප්රබලතම සමාගමක් වන ඇන්ත්රොපික් (Anthropic) විසින් ඔවුන්ගේ නවතම ‘Opus 5’ මාදිලිය පසුගිය සිකුරාදා එළිදක්වනු ලැබුවා. මීට පෙර පැවති Fable 5 මාදිලියට වඩා ප්රමාණයෙන් කුඩා වුවත්, මිලෙන් අඩු සහ භාවිතයේදී වැඩි නිදහසක් ලබාදෙන නිසා මෙය බොහෝ දෙනා අතර ජනප්රිය වනු ඇති බවයි තාක්ෂණික විශේෂඥයන් පවසන්නේ. විශේෂයෙන්ම, පරීක්ෂණ වාර්තාවලට අනුව Opus 5 මාදිලිය Fable 5 මාදිලියට වඩා ඉහළ කාර්යසාධනයක් පෙන්නුම් කරනවා. තමන් කරන වැඩ කොටස නිවැරදි දැයි පරීක්ෂා කර බලා, සාර්ථක වන තුරුම නැවත නැවත උත්සාහ කිරීමේ හැකියාව මෙම නව මාදිලිය සතු වීම විශේෂත්වයක්.
පරිශීලකයන්ගේ පෞද්ගලික දත්ත සුරක්ෂිතතාව සම්බන්ධයෙන්ද මෙහිදී වැඩි අවධානයක් යොමු කර තිබෙනවා. Fable සහ Mythos මාදිලිවල තිබූ දින 30ක දත්ත රඳවා ගැනීමේ ප්රතිපත්තිය Opus 5 සඳහා බලපාන්නේ නැහැ. ඒ වගේම, ආරක්ෂක හේතූන් මත පනවා ඇති සීමාවන් Fable මාදිලියට වඩා 85%කින් අඩු කර තිබීම පරිශීලකයන්ට විශාල පහසුවක්. යම් හෙයකින් ආරක්ෂක පද්ධතියක් මගින් ඔබේ ප්රශ්නයක් ප්රතික්ෂේප කළහොත්, ස්වයංක්රීයව එය වෙනත් මාදිලියකට යොමු කර පිළිතුරක් ලබාදෙන ‘Automatic Fallbacks’ නම් නව විශේෂාංගයක්ද මෙයට ඇතුළත් කර තිබෙනවා. මේ සියල්ලත් සමඟ, කෘත්රිම බුද්ධි ක්ෂේත්රයේ වඩාත් කාර්යක්ෂම සහ පහසු මෙවලමක් ලෙස Opus 5 ඉදිරියට පැමිණෙනු ඇති බවටයි විශ්වාස කෙරෙන්නේ.

Discussion & Feedback