මේ දවස්වල ලෝකය පුරාම කෘතිම බුද්ධිය හෙවත් AI තාක්ෂණය ගැන ලොකු කතාබහක් තියෙනවා. ඒ අතරේ ඇන්ත්‍රොපික් (Anthropic) සමාගම තමන්ගේ ‘ක්ලෝඩ්’ (Claude) කියන AI ආකෘතිය පුහුණු කරන්න ලෝකයේ තියෙන දුර්ලභ සහ වටිනා පොත්පත් විනාශ කරනවා කියන ආරංචිය ඇත්තටම හරිම කම්පනීයයි. ‘ප්‍රොජෙක්ට් පැනමා’ (Project Panama) නමින් හඳුන්වන මේ රහසිගත වැඩපිළිවෙල යටතේ, ඔවුන් කරන්නේ පොත්වල කොඳු නාරටි කපලා, ඒවා ස්කෑන් කරලා, අන්තිමට ඒ පොත් පල්ප් බවට පත් කරන එකයි. මේක සාහිත්‍යයට සහ පොත්පත්වලට කරන ලොකුම අපරාධයක් විදියටයි බොහෝ දෙනා දකින්නේ.
මේ සිද්ධිය එළියට ආවේ ‘බාර්ට්ස් එදිරිව ඇන්ත්‍රොපික්’ නඩුව නිසා හෙළි වුණු උසාවි ලේඛන නිසයි. මේ සමාගම තමන්ගේ වැඩේ එළියට එයි කියලා බයේ හරිම රහසින් තමයි මේ දේවල් කරලා තියෙන්නේ. ඇත්තටම AI තාක්ෂණය දියුණු කරන මුවාවෙන් ලෝකයේ තියෙන වටිනා දැනුම සහ පොත්පත් මෙහෙම විනාශ කරන එක ගැන ලේඛකයෝ සහ කලාකරුවෝ ලොකු විරෝධයක් පළ කරනවා. AI තාක්ෂණය නිසා ලේඛකයන්ගේ රැකියා අහිමි වීම සහ ඔවුන්ගේ නිර්මාණ සොරකම් කිරීම වගේ ප්‍රශ්න දැනටමත් ලොකුවට තියෙනවා. ඒ මදිවට මෙහෙම පොත්පත් විනාශ කිරීමත් එක්ක, තාක්ෂණික සමාගම්වල මේ අත්තනෝමතික වැඩපිළිවෙල ගැන ලෝකයේම අවධානය යොමු වෙලා තියෙනවා. මේ නඩුවෙන් අන්තිමට මොන වගේ තීන්දුවක් ලැබෙයිද කියන එක ගැන හැමෝම බලාගෙන ඉන්නවා.
Discussion & Feedback