ඇමරිකාවේ කෙන්ටකි ප්රාන්තයේ ලුයිස්විල් නුවරදී ඇන්ත්රෝ එනර්ජි (Anthro Energy) සමාගම විසින් අලුත්ම බැටරි නිෂ්පාදන කර්මාන්ත ශාලාවක වැඩ ආරම්භ කර තිබෙනවා. මේ කර්මාන්ත ශාලාව හරහා විදුලි වාහන තුන් ලක්ෂයකට අධික ප්රමාණයකට අවශ්ය බැටරි අමුද්රව්ය නිපදවන්න ඔවුන් බලාපොරොත්තු වෙනවා. විශේෂයෙන්ම චීන සමාගම්වල බලපෑමෙන් තොරව, ඇමරිකාව තුළම බැටරි නිෂ්පාදනය කිරීම මෙහි ප්රධාන අරමුණයි. 2028 වසරේදී නිෂ්පාදන කටයුතු ආරම්භ කිරීමට නියමිත මෙම කර්මාන්ත ශාලාව හරහා ඇමරිකාවේ බැටරි සැපයුම් දාමය ශක්තිමත් කිරීමට ඔවුන් සැලසුම් කර තිබෙනවා.
මෙම ව්යාපෘතියේ තවත් විශේෂත්වයක් තමයි ‘සොලිඩ්-ස්ටේට්’ (solid-state) බැටරි තාක්ෂණය දියුණු කිරීම. සාමාන්ය බැටරිවලට වඩා මේවා ඉතා ආරක්ෂිතයි වගේම ගින්නක් ඇතිවීමේ අවදානම ඉතා අඩුයි. ඇන්ත්රෝ සමාගමේ ‘ප්රෝටියස්’ (Proteus) නම් පොලිමර් තාක්ෂණය මගින් බැටරිවල කල්පැවැත්ම සහ ශක්තිය දස ගුණයකින් පමණ වැඩි කරනවා. මේ සඳහා ඇමරිකානු රජයෙන් විශාල මූල්ය ආධාර සහ බදු සහන ලැබී තිබෙන අතර, එමගින් ප්රදේශයේ රැකියා 110කට වැඩි ප්රමාණයක් නිර්මාණය වෙනවා. ඉදිරියේදී විදුලි වාහන පමණක් නොවෙයි, ඩ්රෝන යානා සහ රොබෝ තාක්ෂණය සඳහාත් මෙම බැටරි විශාල පිටුවහලක් වේවි කියලා තමයි සමාගමේ ප්රධාන විධායක නිලධාරී ඩේවිඩ් මැකැනික් පවසන්නේ.

Discussion & Feedback