දැන් ඉන්න AI තාක්ෂණය තවත් දියුණු කරන්න නම්, AI එකකට තවත් AI එකක් පුහුණු කරන්න පුළුවන් වෙන්න ඕනේ කියලා තමයි ගොඩක් පර්යේෂකයන් හිතන්නේ. මේ ගැන අලුත්ම පර්යේෂණයක් ඇන්ත්රොපික් (Anthropic) ආයතනය විසින් එළිදක්වලා තියෙනවා. ඔවුන්ගේ පර්යේෂකයන් හොයාගෙන තියෙන විදිහට, ස්වයංක්රීය පද්ධතිවලට AI ආකෘතිවල වැරදි නිවැරදි කරමින් ඒවා වඩාත් කාර්යක්ෂම කරන්න පුළුවන්. මේ පද්ධතිය හරියටම මනුස්ස පර්යේෂකයෙක් වැඩ කරන විදිහටම, අදාළ දත්ත අධ්යයනය කරලා, ක්රමවේද හදලා, මිනිත්තු 30ක් වගේ කෙටි කාලයක් ඇතුළත ආකෘතිය පුහුණු කරනවා. වැඩේ සාර්ථක නම් ඒ ක්රමය තියාගන්නවා, නැත්නම් අයින් කරනවා.
මේ පර්යේෂණයේ තියෙන විශේෂම දේ තමයි, මේ ස්වයංක්රීය පද්ධතියට පැය හයක් ඇතුළත පළපුරුදු මනුස්ස පර්යේෂකයෙක්ට වඩා හොඳ ප්රතිඵල ලබා දෙන්න පුළුවන් වීම. ඒ විතරක් නෙවෙයි, මනුස්සයෙක්ට පැයකට ඩොලර් 150ක් විතර වියදම් වෙන තැන, මේ ස්වයංක්රීය පද්ධතියට යන්නේ පැයකට ඩොලර් 4ක් වගේ සුළු මුදලක් විතරයි. මේකෙන් පේන්නේ අනාගතයේදී AI පර්යේෂණ ක්ෂේත්රයේ මනුස්සයන්ගේ මැදිහත්වීම ගොඩක් අඩු වෙන්න පුළුවන් කියන එකයි.
ඇත්තටම මේක AI තාක්ෂණය තමන්වම දියුණු කරගන්නා (recursive self-improvement) මට්ටමකට ගෙනියන්න පුළුවන් ලොකු පියවරක්. හැබැයි මේ පද්ධතියේ තියෙන සීමාවන් ගැනත් ඔවුන් කියනවා. මේ ස්වයංක්රීය පද්ධතිය වැඩ කරන්නේ අපි දෙන නිර්ණායක (benchmarks) මත පදනම් වෙලා නිසා, ඒ නිර්ණායක නිවැරදිව පවත්වාගෙන යාම තවමත් මනුස්සයන්ට කරන්න තියෙන ලොකු වැඩක්. කොහොම වුණත්, AI තාක්ෂණය තමන්වම හදාගන්නා යුගයකට අපි ඉතා වේගයෙන් ළං වෙමින් ඉන්නවා කියලා මේ පර්යේෂණයෙන් හොඳටම පැහැදිලි වෙනවා.
Discussion & Feedback