කෘතිම බුද්ධි තාක්ෂණ ලෝකයේ අතිශය වැදගත් පියවරක් තබමින්, ප්රකට චිප් නිෂ්පාදක AMD සමාගම විසින් ෆෙයි-ෆෙයි ලී මහත්මියගේ World Labs ආයතනය ඩොලර් බිලියන 8.2ක මුදලකට මිලදී ගැනීමට තීරණය කර තිබෙනවා. මෙම ගනුදෙනුවත් සමඟ ලෝක ප්රකට පරිගණක විද්යාඥවරියක වන ෆෙයි-ෆෙයි ලී, AMD සමාගමේ විධායක උප සභාපතිවරිය සහ ප්රධාන විද්යාඥවරිය ලෙස එක්වීමට නියමිතයි. භෞතික ලෝකය තේරුම් ගත හැකි ගැඹුරු ඉගෙනුම් ආකෘති (Deep learning models) නිර්මාණය කිරීමේදී මෙම එකතුව ඉතා තීරණාත්මක වනු ඇති බවයි තාක්ෂණික විශේෂඥයන් පවසන්නේ.
මෙම මිලදී ගැනීම හරහා AMD සමාගම බලාපොරොත්තු වන්නේ Nvidia වැනි තම ප්රධාන තරගකරුවන් අභිබවා යමින්, කෘතිම බුද්ධි චිප් නිෂ්පාදනයේදී වඩාත් දියුණු පරිසර පද්ධතියක් ගොඩනැගීමටයි. විශේෂයෙන්ම රොබෝ තාක්ෂණය සහ ස්වයංක්රීය වාහන වැනි ක්ෂේත්ර සඳහා අවශ්ය වන ‘ලෝක ආකෘති’ (World models) නිර්මාණය කිරීමට මෙම තාක්ෂණය ඉමහත් පිටුවහලක් වේවි. World Labs ආයතනය විසින් නිර්මාණය කරන ලද ‘Marble’ වැනි මෙවලම් මගින් අනාගතයේදී රොබෝවරුන් පුහුණු කිරීම සහ අතථ්ය පරිසරයන් නිර්මාණය කිරීම වඩාත් පහසු වනු ඇති බවයි වාර්තා වන්නේ.
මෙම ගනුදෙනුව මේ වසර අවසන් වීමට පෙර නිල වශයෙන් අවසන් කිරීමට නියමිත අතර, එය කෘතිම බුද්ධි ක්ෂේත්රයේ ඉදිරි ගමනට විශාල බලපෑමක් කරනු ඇති බවට සැකයක් නැහැ. ෆෙයි-ෆෙයි ලී මහත්මිය පවසන පරිදි, මෙම හවුල්කාරිත්වය මගින් ඔවුන්ගේ තාක්ෂණික සොයාගැනීම් හුදෙක් පර්යේෂණාගාරයකට පමණක් සීමා නොකර, සැබෑ ලෝකයේ ප්රායෝගික අවශ්යතා සඳහා වේගයෙන් යොදා ගැනීමට අවස්ථාව ලැබෙනු ඇති.

Discussion & Feedback