ඇමසන් සමාගම විසින් වසර විසිහයකට පසුව නැවතත් කරළියට ගෙන එන ‘අලි ජී: හූ ඊස් අයි’ (Ali G: Who Iz I?) චිත්‍රපටය මේ දිනවල ලෝකය පුරාම ලොකු කතාබහකට ලක්වෙලා තියෙනවා. සාෂා බැරන් කොහෙන්ගේ මේ චරිතය නිසා ජාතිවාදී ගැටලු මතු වෙනවා කියමින් බොහෝ දෙනෙක් මේකට විරුද්ධව හඬ නගනවා. විශේෂයෙන්ම ‘නිව්ස්කෝඩ්’ වැනි මාධ්‍ය නිරීක්ෂණ ආයතන ලෝකයේ තියෙන සිනමාහල් වෙත විද්‍යුත් තැපැල් පණිවිඩ 37,000ක් යවමින් ඉල්ලා සිටින්නේ මේ චිත්‍රපටය තිරගත කිරීමෙන් වළකින ලෙසයි. මේක හුදෙක් විනෝදාස්වාදය සඳහා කරන දෙයක් නෙවෙයි, ඒ හරහා ඇතැම් ජාතීන්ට සහ කාන්තාවන්ට අපහාසයක් සිදුවෙනවා කියලයි ඔවුන් පෙන්වා දෙන්නේ.
ප්‍රකට ලේඛිකා අෆුවා හර්ෂ් පවා මේ ගැන දැඩි විවේචනයක් එල්ල කරලා තියෙනවා. ඇය කියන විදිහට අද කාලේ කවුරුත් මේ වගේ විහිළු අනුමත කරන්නේ නැහැ. කළු ජාතික කාන්තාවන් ලිංගික වස්තූන් විදිහට පෙන්වීම සහ සාමාන්‍ය පන්තියේ කාන්තාවන්ව සමච්චලයට ලක් කිරීම කිසිසේත්ම පිළිගත නොහැකි දෙයක් බවයි ඇය අවධාරණය කරන්නේ. බැරන් කොහෙන්ගේ මේ විහිළු තහළු දැන් කාලයට ගැලපෙන්නේ නැති බවත්, මේ චිත්‍රපටය හරහා සමාජයට වැරදි පණිවිඩයක් යන බවත් බොහෝ දෙනෙක් සමාජ මාධ්‍ය ඔස්සේ පවසනවා. කොහොම වුණත්, මේ විරෝධතා මැද ඇමසන් සමාගම මේ චිත්‍රපටය ප්‍රදර්ශනය කිරීමට කටයුතු කරාවිද නැද්ද කියන එක තමයි දැන් ලොකුම ප්‍රශ්නය වෙලා තියෙන්නේ.
Discussion & Feedback