ලෝක ප්රසිද්ධ අන්තර්ජාල වෙළඳ සමාගමක් වන ඇමසන්, ඉදිරියේදී එළඹෙන උත්සව සමය ඉලක්ක කරගෙන සිය ඇමරිකානු මෙහෙයුම් අංශයේ සේවකයින්ගේ අවම පැයක වැටුප ඩොලර් 20 දක්වා ඉහළ නංවන්න තීරණය කරලා තියෙනවා. මේ අනුව, ඇසුරුම් කිරීම සහ භාණ්ඩ බෙදාහැරීම වැනි කටයුතුවල නිරත සේවකයින්ගේ පැයක වැටුප ඩොලර් එකකින් වැඩි වෙනවා. මේ වැටුප් වැඩිවීමත් එක්ක ඔවුන්ගේ සාමාන්ය පැයක වැටුප ඩොලර් 24ක් පමණ වන අතර, දීමනා ඇතුළුව සමස්ත වටිනාකම පැයකට ඩොලර් 32 ඉක්මවන බවයි සමාගම පවසන්නේ. සැප්තැම්බර් 27 වැනිදා සිට මේ නව වැටුප් ක්රමය ක්රියාත්මක වෙනවා.
වැටුප් වැඩිවීමට අමතරව, සේවකයින්ට තවත් විශේෂ වරප්රසාද රැසක් ලබාදීමටත් ඇමසන් කටයුතු කරලා තියෙනවා. ඔක්තෝබර් 1 වැනිදා සිට ක්රියාත්මක වන පරිදි, ඇමසන් සහ හෝල් ෆුඩ්ස් වෙළඳසැල්වලින් භාණ්ඩ මිලදී ගැනීමේදී සේවකයින්ට 10% සිට 20% දක්වා වට්ටම් හිමිවෙනවා. ඒ වගේම, කිසිදු බැංකු ඉතිහාසයක් අවශ්ය නොවී අඩු වියදමකින් බැංකු සේවා ලබාගැනීමේ පහසුකම සලසා දීමටත් ඔවුන් පියවර අරන් තියෙනවා. වෝල්මාර්ට් වැනි ප්රධාන පෙළේ තරගකාරී සමාගම්වල වැටුප් ව්යුහයන් හා සැසඳීමේදී, ඇමසන් සමාගමේ මේ පියවර ඔවුන්ගේ සේවකයින් දිරිමත් කිරීමට ගත් වැදගත් තීරණයක් විදියට දකින්න පුළුවන්.

Discussion & Feedback