බ්‍රාවෝ නාලිකාවේ අතිශය ජනප්‍රිය රියැලිටි වැඩසටහනක් වන ‘සමර් හවුස්’ (Summer House) හි වසර නවයක් පුරා ප්‍රධාන චරිතයක් ලෙස කටයුතු කළ අමන්දා බටුලා ඉදිරි 11 වැනි වාරයේදී දකින්න ලැබෙන්නේ නැහැ කියන පුවත මේ වන විට තහවුරු වෙලා තියෙනවා. ඇයත් එක්කම වැඩසටහනේ හිටපු වෙස්ට්ලින් විල්සන් ද මෙවර ඉවත් වීමට නියමිතයි. 2018 වසරේදී කයිල් කුක්ගේ පෙම්වතිය ලෙස වැඩසටහනට එකතු වුණු අමන්දා, පසුගිය කාලය පුරාම තමන්ගේ පෞද්ගලික ජීවිතයේ බොහෝ උච්චාවචනයන් ප්‍රේක්ෂකයන් ඉදිරියේ විවෘතව තබා තිබුණා. කයිල් සමඟ පැවති විවාහ ජීවිතයේ ගැටලු සහ අවසානයේ ඔවුන් වෙන්වීමත් සමඟ ඇයගේ කතා පුවත බොහෝ දෙනාගේ කතාබහට ලක් වුණා.
විශේෂයෙන්ම අමන්දා සහ වෙස්ට්ලින් විල්සන් අතර ඇති වුණු ප්‍රේම සම්බන්ධය වැඩසටහනේ අනෙකුත් සාමාජිකයන් අතර ලොකු ආන්දෝලනයක් ඇති කළා. විශේෂයෙන්ම අමන්දාගේ සමීපතම මිතුරිය වන සියාරා මිලර් සමඟ වෙස්ට්ලින් පැවති සම්බන්ධය නිසා මේ නව පෙම් සබඳතාව මිත්‍රත්වයන් පවා බිඳ වැටීමට හේතු වුණා. මේ සිදුවීම් මාලාවත් සමඟ අමන්දාගේ සමර් හවුස් ගමන මෙතැනින් අවසන් වුණත්, ඇය තවමත් බ්‍රාවෝ නාලිකාවේ ‘ඉන් ද සිටි’ (In the City) වැඩසටහන හරහා ප්‍රේක්ෂකයන් අතර ඉන්නවා. කෙසේ වෙතත්, ඇයගේ ඉදිරි රූපවාහිනී ගමන ගැන තවමත් නිශ්චිත තොරතුරක් ලැබී නැහැ.
Discussion & Feedback