අභ්‍යවකාශයේ ජීවය පවතින ග්‍රහලෝකයක් ගැන හොයනකොට අපි මුලින්ම බලන්නේ ඒ ග්‍රහලෝකය තියෙන්නේ තරුවක වාසයට සුදුසු කලාපයකද කියලයි. හැබැයි කැලිෆෝනියා විශ්වවිද්‍යාලයේ පර්යේෂකයන් පිරිසක් කරපු අලුත්ම පර්යේෂණයකින් හෙළි වෙලා තියෙනවා, ග්‍රහලෝකයක් ජීවයට සුදුසු වෙන්න නම් ඒකේ වායුගෝලයක් අනිවාර්යයෙන්ම තියෙන්න ඕනේ කියලා. ඒ වගේම ඒ වායුගෝලය බිලියන ගණනාවක් පවත්වාගෙන යන්න නම් ග්‍රහලෝකයේ ප්‍රමාණය අඟහරු ග්‍රහයාගේ ප්‍රමාණයට සමාන හෝ ඊට වඩා විශාල වෙන්න ඕනේ කියලයි ඔවුන් කියන්නේ.
පර්යේෂකයන් පෙන්වා දෙන විදිහට පෘථිවිය වගේ ග්‍රහලෝකයකට වායුගෝලයක් රඳවා ගන්න නම් ඒකේ ප්‍රමාණය පෘථිවියේ ප්‍රමාණයෙන් අවම වශයෙන් 80%ක් වත් වෙන්න ඕනේ. ග්‍රහලෝකයක් කුඩා වෙනකොට ඒකේ තියෙන ගුරුත්වාකර්ෂණය සහ චුම්භක ක්ෂේත්‍රය දුර්වල වෙන නිසා වායුගෝලය අභ්‍යවකාශයට ගැලවී යාමේ ඉඩ වැඩියි. ඒ වගේම කුඩා ග්‍රහලෝකවල ගිනිකඳු ක්‍රියාකාරකම් ඉක්මනින්ම නතර වෙන නිසා වායුගෝලය නැවත පිරවීමේ හැකියාවත් අඩු වෙනවා. කොහොම වුණත් කාබන් වැනි ද්‍රව්‍ය වැඩිපුර තියෙන ග්‍රහලෝකවලට 60%ක ප්‍රමාණයකින් වුණත් වායුගෝලයක් පවත්වා ගන්න පුළුවන් වෙන්න පුළුවන් කියලා ඔවුන්ගේ පරිගණක ආකෘති පෙන්වා දෙනවා.
මේ සොයාගැනීම නිසා අභ්‍යවකාශ විද්‍යාඥයන්ට පිටසක්වල ජීවීන් හොයන එක ගොඩක් පහසු වෙනවා. මොකද දැන් ඔවුන්ට අනවශ්‍ය ග්‍රහලෝක දෙස බලමින් කාලය නාස්ති නොකර, ජීවය පැවතිය හැකි නිවැරදිම ග්‍රහලෝක තෝරාගෙන පර්යේෂණ කරන්න පුළුවන්. මේ පර්යේෂණය මගින් අභ්‍යවකාශ ගවේෂණයේදී අපිට වඩාත් වැදගත් වන ග්‍රහලෝක මොනවාද කියලා හඳුනා ගැනීමට විශාල පිටුවහලක් ලැබෙනවා.
Discussion & Feedback