කෘත්රිම බුද්ධි තාක්ෂණය හෙවත් AI ක්ෂේත්රයේ වේගයෙන්ම වර්ධනය වන බ්රිතාන්යයේ ‘Nscale’ නියෝක්ලවුඩ් සමාගම, තමන්ගේ මීළඟ ව්යාපාරික පියවර ලෙස ඇමරිකානු කොටස් වෙළඳපොළට (IPO) පිවිසීමට සූදානම් වෙනවා. මේ සඳහා ඔවුන් ඩොලර් බිලියන 3.36ක දැවැන්ත මූල්ය ආධාරයක් ලබා ගැනීමට සමත් වී තිබෙනවා. මෙම මුදල ප්රධාන වශයෙන් යොදවන්නේ AI දත්ත මධ්යස්ථාන ඉදිකිරීමේ දැවැන්ත වියදම් පියවා ගැනීමටයි. මෙම ආයෝජන වටය මෙහෙයවනු ලැබුවේ ‘Third Point’ හෙජ් අරමුදල මගින් වන අතර, මීට අමතරව ප්රකට තාක්ෂණික සමාගමක් වන Nvidia ආයතනයත් මේ සඳහා ඩොලර් බිලියනයක දායකත්වයක් ලබා දෙනවා.
Nscale සමාගම මීට වසර දෙකකට පෙර ඔස්ට්රේලියානු ක්රිප්ටෝ මයිනින් සමාගමක් වූ Arkon Energy වෙතින් වෙන්වී ආරම්භ වූවක්. ඉතා කෙටි කාලයක් තුළ ඔවුන් ඩොලර් බිලියන 103කට අධික වටිනාකමකින් යුත් ගිවිසුම්වලට එළඹීමට සමත් වී තිබීම විශේෂත්වයක්. දැනටමත් නෝර්වේ සහ ඇමරිකාවේ බටහිර වර්ජිනියා ප්රාන්තවල විශාල දත්ත මධ්යස්ථාන කිහිපයක්ම ඔවුන් විසින් ඉදිකරමින් පවතිනවා. මෙම කොටස් වෙළඳපොළ පිවිසුම හරහා සමාගමේ වටිනාකම ඩොලර් බිලියන 35ක් දක්වා ඉහළ යනු ඇතැයි මූල්ය විශ්ලේෂකයින් පුරෝකථනය කරනවා.
මෙම ආයෝජනය හරහා ලැබෙන මුදල් කොටස් වෙළඳපොළට පිවිසීමෙන් පසු කොටස් බවට පරිවර්තනය වීමට නියමිතයි. AI තාක්ෂණයේ දියුණුවත් සමඟ දත්ත මධ්යස්ථාන සඳහා පවතින ඉල්ලුම ඉහළ යාම නිසා, Nscale වැනි සමාගම්වලට මෙවැනි දැවැන්ත ආයෝජන ලැබීම තාක්ෂණික ලෝකයේ විශාල කතාබහකට ලක්ව තිබෙනවා. ඉදිරියේදී ඔවුන්ගේ මෙම ව්යාපෘති හරහා AI ක්ෂේත්රයේ තවත් පෙරළිකාර වෙනස්කම් රැසක් බලාපොරොත්තු වෙන්න පුළුවන්.

Discussion & Feedback